სალომე - სკოლობანას ვთამაშობდით,
                მე, თაკო და ბორენა,
                წამდაუწუმ ხელს მიშლიან,
                გააჩერებ ორ ენას?
თაკო -    ეს მე მკითხე სალომე მასწ.
ბორენა -  მე არ ვიცი განა?
                ანგარიში არ მეშლება
                და ზეპირად თანაც.
თაკო -    შენზე კარგად მე ხომ ვიცნობ
                ნოტებსა და გამებს?
ბორენა - მუსიკაში თუ მაჯობე,
              უჰ, უჰ დიდი რამე!
თაკო -    შენზე კარგად მე დავხატე
              ენძელა და ია,
ბორენა - ერთი მითხარ "კლასის თვალი"
              მე თუ შენა გქვია?!
თაკო -  მე ლამაზად წერა ვიცი!
ბორენა - ეგ  მეც შემიძლია!
სალომე- კინკლაობენ...რომელს ვკითხო,
              ვეღარ გამიგია.
              იკამათეს, არ გაჩუმდნენ
              ამატკივეს თავი,
              ეგ უწესო მოსწავლენი
              მოვიშორე ზარით!