ნაწარმოებები


ნაწარმოებების შერჩევა უკრაინაში მიმდინარე ომის თემაზე შექმნილი ლექსებისა და მოთხრობების კრებულისთვის - დაწვრილებით ლიტ-მოვლენაში     * * *     გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: არმენ არუთინოვი
ჟანრი: პოეზია
27 თებერვალი, 2012


  ჩამოტვირთვა

‎* * * (მდინარის პირას დავსახლდები)

მდინარის პირას დავსახლდები,
კარავს დავდგამ და ცეცხლს ავანთებ
ჩემი ლექსებით.
ხელებს გავითბობ, წყალს გავატან
დაუნანებლად კრემირებულ
სიტყვის ნარჩენებს
და თუკი მაინც შემაციებს,
იქვე მივწვები,
მწყემსის ნაბადწამოხურული.

მდინარის ზემოთ კლდის ძირში რომ
ეკლესიაა, როცა ღვთის სახლში
სტუმრად მისვლა მომენატრება,
ფერდობს ავირბენ, ჩამწვარ ლექსებს
დავიწყებული ლოცვასავით
ჩავიბუბუნებ.
მე ხომ სალოსად ვიქეცი და
ვერაგებული სახლის კარი
გამოვიხურე.

მერე კარავში დავბრუნდები,
გზად ლერწამს მოვჭრი ჯიბის დანით,
გავთლი სალამურს,
თავდავიწყებით ავაკვნესებ.
ჩემი სიმღერა ნაღვლიანი
იქნება ჰიმნი და შენს წიაღში
დაბრუნების საგალობელი.

კომენტარები ილუსტრაციები რეცენზიები