ქარბუქი  თმებში  ჩაგეხვია  როგორც  აპრილი
და  მეტიჩარა  იასამანს  გვირგვინს  აცლიან.
ჩემი  განცდები  ისეთია,  მე  რომ  დაგპირდი,
ჩემი  განცდები  სიყვარულში  შენზე  მკაცრია.

ყოველი  კვირა  ბოჰემაა,  როგორც  მიმოზა.
ზღვა  მიმოქცევას  გაბრალებდათ  შენ  და  მილოსერს…
ხშირად  სიცოცხლის  ბედნიერ  წამს  ტანზე  იმოსავ,
ხშირადაც  მუხლებდამიწებით  ერთად  ვილოცეთ.

ყოველი  კვირა  მენატრება  ბავშვურ  გზასავით,
იცი?  რთულია  გიყვარდეს  და  სხვასაც  უყვარდე.
ჩემი  ცხოვრება  შენთან  ერთად  არის  ნაზავი
მომავლისა  და  მიუწვდომელ  ქალის  გულამდე..

ჩემი  განცდები  ისეთია,  მე  რომ  გპირდები,
ჩემი  განცდები  სიყვარულში  –  შენზე  მკაცრია.
ქარბუქი  თმებში  ჩაგეხვია  როგორც  კვირტები
და  მეტიჩარა  იასამანს  გვირგვინს  აცლიან.