გიყურებ,  ვდგავარ  და  მიყვარხარ  რარიგად,
ღმერთებმა  ოცნების  მიზეზად  გამხილეს.
შენს  გამო  შევწირე  ეს  წლები  ტარიგად
და  ასე  მივყვები  უშენო  მარხილებს.

ნუ  მიწყენ  თუ  გკადრე  აუგი  ოდესმე,
ეშმაკი  მებრძოდა  და  ახლაც  ვერ  ითმენს.
მზისფერი  ფანარი  დავკიდე  ღობეზე,
მთვარე  კი  ჯიუტად  ანათებს  ხეივნებს.

ძილის  წინ  ვნებიან  სუნთქვაში  მახლიხარ,
მუსიკის  ფონზე  რომ  გეძახი  მხოლოდ  მე.
ბავშვური  ოცნება  იმდენად  დაიხა,
რომ  სიზმარს  ვერასდროს  ვნახულობ  ბოლომდე...

თავში  რომ  გიხილე,  განცდა  მაქვს  ისეთი,
ისეთი  განცდა  მაქვს  –  სიცოცხლეც  მინდება.
დრო  იყო  სურვილებს  ლექსებად  გიწერდი..
დიდება  უფალს  და  შენს  სახელს  დიდება!