ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: მანანა კაკაჩია
ჟანრი: საბავშვო
14 აგვისტო, 2012


ჩემი დაიკო

დედიკომ და მამიკომ
მომიყვანეს დაიკო,
დავხედე და გავვოცდი,
მკლავის სიგრძეც არ იყო.
არაფერი არ იცის,
ჯერ არ ესმის ნათქვამიც,
ჭამა დაუგვიანე
როცა შია, თუნდ წამიც.
პირს მოაღებს, ტირის და
ყველას დაგვაწიოკებს,
რძეს ყლუპ-ყლუპით მიირთმევს,
შიმშილს ამით იოკებს.
შეჭამს, მერე იძინებს,
სულ არ უნდა თამაში,
ჭამა, ძილი მეც მიყვარს,
დამემსგავსა ამაში.
ღორმუცელა ვინმე,
დაიკუნა ბარბარე,
რაც არ უნდა დანაყრდეს,
საჭმელს ითხოვს მალ-მალე.

კომენტარები ილუსტრაციები რეცენზიები

საიტის წევრს ნიკით:  უმა თურმანი ვულოცავთ დაბადების დღეს