ნაწარმოებები


ლიტ. კონკურსი - - “რჩეულის-რჩეული“     * * *     დაწვრილებით ლიტ-მოვლენაში

ავტორი: მანანა კაკაჩია
ჟანრი: საბავშვო
15 სექტემბერი, 2012


დარჩნენ ხახამშრალები

ფისოს ჰყავდა სამი კნუტი:
ფუსო, ფოსო, ფასუნა
და სამივე იყო ცელქი,
ღუნღულა და გლასუნა.
ერთხელ თაგვი  გასაწრთვნელად
მოუყვანათ დედიკომ,
სახლში არვინ ეგულვოდა,
სამუშაო დღე იყო.
-აბა, ვნახავ, რომელია
თქვენში უფრო მარდიო-
უთხრა დედამ და ოთახში
მოისროლა თაგვიო.
დაფაცურდნენ ფისუნები,
ფასომ თათი ჩაკრაო,
ფოსო კუდში წაეტანა,
მაგრამ... თაგვი გაქრაო.
ფუსო ჩუმად, განაბული
უყურებდა ამ რბოლას
და ფიქრობდა, ხელსაყრელ დროს
მოიგებდა ამ ბრძოლას.
მაგრამ... თაგვი აღარსად ჩანს,
ცამ თუ მიწამ ჩაყლაპა,
კუთხეს ხვრელი ქონებია,
რა გეგონათ, თქვენ, აბა?
გააცურა თაგუნიამ,
დარჩნენ ხახამშრალები,
კატამ - დოყლაპიებოო! –
უბრიალა თვალები.

კომენტარები ილუსტრაციები რეცენზიები