ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: ბექა ქებულაძე
ჟანრი: პოეზია
9 ნოემბერი, 2012


იმედი...

ქვეყანა  დაისერა 
ღალატის  ნოველებით,
ჩვენ  კიდევ  ვერთობით 
ამითი.
სანამდე  ეშმაკებს 
იოლად  მოვერევით,
გვახსოვდეს  უკვდავი
დავითი.

ჭაღარა  ნიკოფსია
მთავრდება დარუბანდთან
და  ახლა  ღმერთი  თუ
გვიშველის.
მარჯვენა  ბეჭზე  დასმულ
ანგელოზს გაუმართლა -
სიწმინდის  ლალით და
გიშერით...

და  ზეცის  სარკმლებიდან
სინათლე  მოგვევლინა,
რაზედაც  ვბორგავთ  და
ვირევით.
უფალი ამოგვიყვანს
შავ-ბნელი მორევიდან -
ნამდვილი ქართველი
გმირებით!

კომენტარები ილუსტრაციები რეცენზიები