გავედი..
არც ისე შორს, მაგრამ არც ისე ახლოს,
ვდუმვარ.
საფოსტო მტრედს ფრთები მოსტეხია
წერილსაც ვეღარ მოგიტანს,
ვერც უკან დაბრუნდება..
სათქმელი ა(ღა)რაფერია..
დავმთავრდით.
გავედი სახლიდან
რომელსაც ცივი თვალები აქვს..
წინკარში დაგიტოვე წარსული,
მხრებიდან ჩამოვიხსენი
(არ მინდა, თავი შემახსენოს),
ხელები ჩამომასხიპა მჭრელმა დღეებმა...
სინანული შეახმათ ფიქრებს.
წინ ნისლიანი ზამთრის ცივი დღეები
და გრძელი ღამეებია.
დამაბრუნეთ ბავშვობაში
სადაც ოცნებები სრულდებიან
და ყინულივით ცივი ხელები არა აქვთ დღეებს.