ჩემს იმედებს კოშმარები მარხავენ,
მჯერა ჩემგან წყენასაც რომ აიტან.
დავასრულოთ ყველაფერი ახლავე
ან დავიწყოთ ყველაფერი თავიდან.
სიყვარულში შემეჯიბრე მოდი და
მეც ვიცეკვებ თითის წვერზე პარტიებს.
გაბრაზება გადააგდე მოდიდან,
გაბრაზება - მე რომ არ მაპატიე.
სიყვარულმა გამოიღოს ნაყოფი,
ეს შემომრჩა ერთადერთი მიზანი.
ჩემი ერთი დაძახება არ გყოფნის?
მაშინ ათას ერთგულებას გიგზავნი...