ნაწარმოებები


ლიტ. კონკურსი - - “რჩეულის-რჩეული“     * * *     დაწვრილებით ლიტ-მოვლენაში

ავტორი: მანანა კაკაჩია
ჟანრი: პოეზია
30 მარტი, 2013


შენ გაზაფხული გიყვარდა....( მარიეტას ხსოვნას)

შენ გაზაფხული გიყვარდა
და გაზაფხულში ჩარჩი,
გაიზრდებიან კლასელნი...
შენ სულ იქნები ბავშვი....

ჩვენ ავივსებით ცოდვებით
ცხოვრების ბილიკებზე,
შენ ანგელოზი იქნები,
ჩუმად ილოცებ ჩვენზე.

გვწამს, გაზაფხულზე მოჰყვები
თამამ ენძელებს მარტში,
ზაფხულში მოხვალ მზის სხივად
ცელქი, გულთბილი ბავშვი...

შემოდგომაზე შენს ღიმილს
ქრიზანთემებად გაშლი,
ზამთარში ლამაზ ფიფქებად
მოხვალ თოვაში, ქარში.

შენ გაზაფხული გიყვარდა
და გაზაფხულში ჩარჩი,
ემახსოვრები მთელ სკოლას...
სიცოცხლით სავსე ბავშვი...

კომენტარები ილუსტრაციები რეცენზიები