გამოიდარებს... ჩვენს ქუჩაზეც, ჩვენს სახლთან ახლოს...
დაუმთავრებელ ოთახებში ვირბენთ ხალისით.
ერთი კედელი, ა, ის... მწვანე... დავლეწეთ კალო.
ზევით, ჭერისკენ ავირბინეთ, წვიმა დაიცდის...
უმოაჯირო კიბეები - ვაზი გასხლული.
ატმის ყვავილი სარკმელს იქით -  მთვრალი აპრილი.
ქვებგამოცლილი გალავანი -  მძიმე წარსული.
ბებიას სკივრში ჩაკუჭული თხელი მანდილი.
გამოიდარებს ... ერთ დღეს გულშიც გამოიდარებს,
მოვირბენთ დღეებს, ასე ურცხვად ჩვენგან მოკლულებს.
სამალავიდან, ბავშვობიდან გამომიყვანე,
წყაროზე ჩამყე, იმ ცუდ სიზმარს ბოლოს მოვუღებ.
გამოიდარებს...
შენ თუ გჯერა,
გამოვიდარებ...