ნაწარმოებები


ლიტერატურული კონკურსი “ლილე 2021“     * * *     დაწვრილებით ფორუმზე https://urakparaki.com/?m=13&Theme=1546

ავტორი: ნიკა ჩერქეზიშვილი
ჟანრი: პოეზია
15 მაისი, 2013


*** (რა დრო სჭირდება...)

რა დრო სჭირდება
ერთი ღერი სიგარეტის მოწევას?

ერთი გული არ ჰყოფნის ერთ სიყვარულს.

ბევრს ვსვამ,
ბევრს ვეწევი,
მაგრამ თავის მოტყუება აღარ გამომდის.

როგორც ჩანს,
ყველაფერი ცუდად არის,
როცა დილით,
მაგიდაზე დამხობილი, ჩაცმული იღვიძებ.

მახსოვს,
შენ მოდიოდი
და მე თავს ვანებებდი
ჩემი საყვარელი ლექსების კითხვას.

იყო დრო,
ვიძინებდი
და შენი მდინარის ნაპირზე ვახელდი თვალებს.

ახლა ღამეა
და მარტო ვარ.

ახლა მშვენიერი ღამეა,
მაგრამ მე მარტო ვარ.

როცა თვითირონიაც დამტოვებს,
რაღაც შემემთხვევა.

...

შენი სიზმრები დაემსგავსებიან ლოცვებს.

კომენტარები ილუსტრაციები რეცენზიები