ნაწარმოებები


ლიტ. კონკურსი - - “რჩეულის-რჩეული“     * * *     დაწვრილებით ლიტ-მოვლენაში

ავტორი: მანანა კაკაჩია
ჟანრი: საბავშვო
9 ნოემბერი, 2008


ლევანი და აქლემი

მასწავლებელი გაკვეთილს
უხსნის პატარებს კლასში,
მას გასუსული შეჰყურებს
ოცდაერთივე ბავშვი.

საინტერესოდ უყვება
გარეულ ცხოველებზე:
ლომზე,მელაზე ფოცხვერზე,
დათვზე,ტურაზე,მგელზე

და თან აჩვენებს სურათებს-
ლამაზებს,ფერად-ფერადს,
ზოგი ჭრელია და ზოგი
შავი,მორუხო ფერად.

მერე კლასს ჰკითხა:-"ბავშვებო,
რა ცხოველები იცით?
ან ზოოპარკში რა ნახეთ,
ან სურათიან წიგნში?

კითხვის პასუხად ლევანი
ზე წამოიჭრა მყისვე,
-"მე ვიცი ერთი ცხოველი
"სიდენის"აქვს ზურგზე".

მასწავლებელი იცინის;
-"აი,თქვენ გამოცანა,
რა მოეწონა ჩვენს ლევანს?
აბა,მითხარი ანა."

წამით დაფიქრდა გოგო და
პასუხს ღიმილიც ახლავს;
-"მასწავლებელო,ლევანმა
ალბათ აქლემი ნახა."


კომენტარები ილუსტრაციები რეცენზიები