წამო,ბავშვებივით გავიგიჟოთ თავი,
წამო, უსირცხვილო წვიმას ვუდარაჯოთ !
ჩვენი აივნიდან მივაწვდინოთ თვალი
ფერად ვარსკვლავებს და ზეცას ვუკარნახოთ

როგორ განალაგოს ცაზე ოცნებებად
ჩვენი არჩეული თანავარსკვლავედი,
წამო,მზის სხივები მოვჭრად მონეტებად
ერთად დავუთვალოთ მთვარეს წამწამები!

მერე ჩავიფიქროთ ჩუმად სურვილები,
ხელი ჩავკიდოთ და მოვიაროთ არე,
არც კი მოვუსმინოთ ქარებს წუხილები,
წვიმის გუბეებშიც ვიხტუნაოთ ბარემ !

წამო,რაღას უცდი,უკვე მოვიწყინე
ნუღა მემალები,მეთამაშე რამე,
მე გავითვლი ახლა,შენ კი მომისმინე,
ბავშობანა მინდა,თორემ დავიღალე..