| ავტორი: მე-კალ-მე ჟანრი: პროზა 8 ოქტომბერი, 2013 |
ნაწარმოები შეიცავს უცენზურო ფრაზებს
თუ თქვენ გინდათ ნახოთ მხოლოდ ეს ნაწარმოები, დააჭირეთ აქ
რაც თავი მახსოვს, ყველა მარწმუნებდა, რომ ძალიან გამიმართლა, რადგან შენი მერქვა, შენთვის გავჩნდი, შემეძლო შენთვის მეცოცხლა, შენთვის შემეწირა თავი. მეც მიხაროდა. მახსოვს, ლექსებს გიწერდი, ყველას ვუყვებოდი შენს ძველ დიდებაზე, მჯეროდა შენი მომავლის. შენც იფერებდი ამ ყველაფერს, ნაჩვევი იყავი ქება-დიდებას და არც გიკვირდა. ძალიან ამაყობდი შენი წარსულით. მაშინაც კი, როცა მომავალს ვგეგმავდით, შენ წარსულზე მიყვებოდი... თურმე, ერთ დროს მთელი სამეზობლო შენ შემოგნატროდა, ყველასგან გამორჩეული იყავი. გამორჩეულად საუბრობდი, შენს ენაზე, რომლის მსგავსიც სხვა არავის რგებია წილად, შენ რომანებსა და პოემებს წერდი, როდესაც შენი წერა-კითხვის უცოდინარი მეზობლები ფეხშიშველა დარბოდნენ ტყე-ღრეებში ლუკმა-პურის საშოვნელად... სიმღერა? ყველაზე ტკბილ ოცნებაშიც კი ვერავინ იოცნებებდა შენნაირ ხმის ტემბრზე. საკმარისი იყო სულ ცოტა წაგეღიღინა და ყველა შენს წინ იწყებდა ფორთხვას. შენ რომ ღვინოს აყენებდი, ნაცნობ-უცნობების მთელი ჯარი იკრიბებოდა ჩვენს ჭიშკართან, "სუუულ ერთი ყლუპი გამასინჯეთ"-ო. ბრძოლები და საგმირო საქმეები ხომ შენი მოგონილი იყო... სულ მეგონა, რომ უნაკლო იყავი და ვამაყობდი შენით. უფალს მადლობას ვწირავდი ყოველ ცისმარე დღეს, რომ შენად გამაჩინა. ამრეზით ვუყურებდი მეზობლებს. აბა, მაგათ თავს როგორ გავუყადრებდი?! წლები გადიოდა. შვილებს ვზრდიდით. ვუყვებოდით არაკებს შენს წარსულზე. ვბედნიერობდით. ერთ დღესაც გვერდითა მეზობელმა ღობე გადმოგვიწია. შენ გაბრაზდი. ახლაც მახსოვს შენი თვალები, ეს როგორ გვაკადრაო, დაგვამცირაო. მეც დამცირებულად ვიგრძენი თავი. ვიღაც გაუთლელებს ამას როგორ შევარჩენდით?! იარაღი აასხიო შვილებს. გამწარებული კი ვიყავი, მაგრამ არც იმდენად რომ ჩემი თითისტოლა პირმშოები მეზობელთან შემერკინებინა. შეგეწინააღმდეგე და პირველად სწორედ მაშინ ვიგრძენი, რომ მიზნის მისაღწევად ყველას გაწირვა შეგეძლო: ჩემიც, შვილებისაც, და-ძმისაც... ფანჯრიდან ვუყურებდით, როგორ ებრძოდნენ ჩვენი პატარები ჯიბის დანებით ჩვენს აყლაყუდა მეზობელს, რომელიც ჯაჭვის პერანგში ჩამჯდარიყო. "მიდით! მიდით!! ეს თქვენი წმინდა ვალია"-ო უყვიროდი ფანჯრიდან პატარებს. მიკვირდა, შენ რატომ არ გახვედი ზრდასრულ მეზობელთან მოსალაპარაკებლად და ბავშვებს რატომ მიანდე ეგ საქმე, მაგრამ რახან გენდობოდი, ვიფიქრე, ასეა საჭირო- მეთქი. როცა ჩვენს შვილებს ჯიბის დანები დაუტყდათ, გითხარი ჩავირბენ და ხმლებს ჩავუტან მეთქი. განრისხდი ჩემს სიტყვებზე. "ქალი ხარ და საკუთარი ადგილი იცოდე"-ო. მერე ყველაფერი ამერია. ბოლოს რაც მახსოვს, ჩვენი უმცროსი ვაჟი იყო მეზობლის ხელში მოფართხალე. მან თავი მოუგრიხა უმწეო პატარას და მანამ არ მოეშვა სანამ არ წააწყვიტა. ესეც არ იკმარა, იქვე მდგარ ძმებს დაუძახა, "შეგროვდით და ფეხბურთი ვითამაშოთ"-ო, თან ფეხით გააგორა ჩემი ძის თვალებგადმოკარკლული თავი. წლები გავიდა. დრო ყველაფერს კურნავსო ნათქვამია და მეც გამინელდა იმ დღის ტკივილი. შევეგუე ახალ ყოფას. ღობე ისევ გადმოწეული იყო, შენს თვალბში კი ყოვლდილით უფრო მეტ რისხვას ვხედავდი ფანჯრიდან გახედვისას. ერთადერთი ოცნება გქონდა: ბევრი შვილი გაგვეჩინა და დაგვებრუნებინა ჩვენი წილი ეზო. მეც უსიტყვოდ ვასრულებდი შენს ნებას: ვაჩენდი შვილებს და იმედი მქონდა, რომ ოდესმე აუცილებლად ვიცხოვრებდით ისე, როგორც წარსულში გიცხოვრია. ერთ დღეს ისევ მომთხოვე იარაღი ამესხა შვილებისთვის და გამეგზავნა ღობის მეზობლისკენ გადასაწევად. მე კანკალით ჩავაცვი სამოსი ჩემს პირმშოებს, დავკოცნე და ბედნიერი მომავლის იმედით გავაცილე სახლიდან. ისევ იგივე... ჩემს შვილებს ზურგზე შესდგა ჩექმებით გოლიათი მეზობელი და ცემაში ამოჰხადა სული. ღობე ძველ ადგილზე დარჩა... შენ კი ისევ ის მზერა გქონდა თვალებში ყოველდილით ფანჯრიდან გახედვისას, ისევ ის გამოხედვა... ისევ ცდილობდი, რაც შეიძლება მეტი შვილი გაგვეჩინა... ისევ ამზადებდი მათ და მე ზუსტად ვიცოდი, რომ სულ ცოტა ხანიც და მათთვის იარაღის ასხმას მომთხოვდი... ვცადე, ძალა მომეკრიბა, დამოუკიდებლად არსებობა შემძლებოდა და შვილები დამემალა შენგან, მაგრამ დამცინე:" როგორ უნდა იცხოვროო? არასდროს გიმუშავია და ვერც აწი იმუშავებო, არავის იცნობო, ვინ დაგეხმარებაო". მაინც რომ შეგეწინააღმდეგე, ხელ-ფეხი შემიკარი, ისედაც ხელფეხშეკრულს. ახლა? ახლა დრო ვიხელთე და ჩუმად მივიპარები მეზობლის ღობესთან, რომ შველა ვთხოვო... ის პურს მიყრის ჩემი შვილების სისხლით მოსვრილი ხელით და უფლებას მაძლევს მასთან გადავიდე საცხოვრებლად. მე ხელების კანკალით ვკვებავ ჩემს პირმშოებს სისხლიანი პურით და სასწრაფოდ ვიწყებ ჩანთების ჩალაგებას...
развод, ჩემო სამშობლოვ!!! раз-вод!!!
კომენტარები |
ილუსტრაციები |
რეცენზიები |
|
19. კიდევ და კიდევ მადლობა :* კიდევ და კიდევ მადლობა :*
18. კიდევ წავიკითხე და კიდევ მომეწონა . კიდევ წავიკითხე და კიდევ მომეწონა .
17. უუჰ, მეტკინა უუჰ, მეტკინა
16. კი, ასეა... ვზარმაცობთ მე და ჩემი მუზა ერთად :) კი, ასეა... ვზარმაცობთ მე და ჩემი მუზა ერთად :)
15. ჰოო. მაპატიე:) ვერა და ვერ დავიმახსოვრე შენი სახელი, აქ იშვიად შემოდიხარ:)) ჰოო. მაპატიე:) ვერა და ვერ დავიმახსოვრე შენი სახელი, აქ იშვიად შემოდიხარ:))
14. კახა, მე ლანა ვარ :)))
ნინა? ნინაც ლამაზი სახელია :) კახა, მე ლანა ვარ :)))
ნინა? ნინაც ლამაზი სახელია :)
13. ძალიან კარგი იყო , მომეწონა რომელია. მე ის დავინახე. დავითს დავეთანხმები ბოლო არ უნდოდა. ახლა ერთ რამეს ვტყვი იმედია სწორედ გამიგებთ. განა ქართველები, ჩვენი დედა სამშობლოს შვილები საკუთარი მიწის წართმევას შეგუებია? ჩვენ ვერ ვიქეცით დიდ იმპერიად მაგრამ ჩვენ ჩვენსაც ყოველთვის ვიცავდით... დიდი იმპერიები დაინგრა და დაიღუპა, ჩვენ კი დღემდე მოვედით. წარსული ომი არ უნდა მომხდარიყოო აქ ხშირად გამიგონია. მაგრამ ახლა რა ხდება ამ "მშვიდობიანმა" მამებმა რამე გააკეთეს? უსირცხვილოდ, პირდაპირ თვალებში გვთხრიან მავთულხლართებს და ჩვნენ კი გავიძახით კარგი მეზობელიაო, აი ღვინა გავიდაო, ბაზარი გაიხსნაო. მართალი თქვა ნინამ, ხალხი არაღ ვარგივართ. გადმოგვიგდებენ ორ სამ მედალს და "ვიამაყებთ" ერის შვილებით. - ასე არ გამოვა! ამის უფლება ჩვენ არ გვაქვს! გარდა იმისა რომ ეს ქვეყანა ჩვენია, ის ღმერთმა აკურთხა. - ომი უნდა იყოს, აუცილებლად. საკუთარი სახლი, ცოლი, შვილები რომ წაგართვათ განა ხელს არ გამარტყავთ? - განა სამშობლო მეტი არ არის? მადლობა ნინა ასეთი ტექსტისთვის. - მე მესმის შენი ტკივილი, შენ არსად გაიქცევი, ეგ არ გაგიკეთებია და არც გააკეთებ. ძალიან კარგი იყო , მომეწონა რომელია. მე ის დავინახე. დავითს დავეთანხმები ბოლო არ უნდოდა. ახლა ერთ რამეს ვტყვი იმედია სწორედ გამიგებთ. განა ქართველები, ჩვენი დედა სამშობლოს შვილები საკუთარი მიწის წართმევას შეგუებია? ჩვენ ვერ ვიქეცით დიდ იმპერიად მაგრამ ჩვენ ჩვენსაც ყოველთვის ვიცავდით... დიდი იმპერიები დაინგრა და დაიღუპა, ჩვენ კი დღემდე მოვედით. წარსული ომი არ უნდა მომხდარიყოო აქ ხშირად გამიგონია. მაგრამ ახლა რა ხდება ამ "მშვიდობიანმა" მამებმა რამე გააკეთეს? უსირცხვილოდ, პირდაპირ თვალებში გვთხრიან მავთულხლართებს და ჩვნენ კი გავიძახით კარგი მეზობელიაო, აი ღვინა გავიდაო, ბაზარი გაიხსნაო. მართალი თქვა ნინამ, ხალხი არაღ ვარგივართ. გადმოგვიგდებენ ორ სამ მედალს და "ვიამაყებთ" ერის შვილებით. - ასე არ გამოვა! ამის უფლება ჩვენ არ გვაქვს! გარდა იმისა რომ ეს ქვეყანა ჩვენია, ის ღმერთმა აკურთხა. - ომი უნდა იყოს, აუცილებლად. საკუთარი სახლი, ცოლი, შვილები რომ წაგართვათ განა ხელს არ გამარტყავთ? - განა სამშობლო მეტი არ არის? მადლობა ნინა ასეთი ტექსტისთვის. - მე მესმის შენი ტკივილი, შენ არსად გაიქცევი, ეგ არ გაგიკეთებია და არც გააკეთებ.
12. მოოკლედ, ვითვალისწინებ თქვენს რჩევას და ვცვლი ბოლოს :)
მადლობა ყველას, რომ წაიკითხეთ და მოიწონეთ, ან არ მოიწონეთ :) მოოკლედ, ვითვალისწინებ თქვენს რჩევას და ვცვლი ბოლოს :)
მადლობა ყველას, რომ წაიკითხეთ და მოიწონეთ, ან არ მოიწონეთ :)
11. ეტყობა, დღეს ისეთ ხასიათზე ვარ, რომ რაღაცები მეზედმეტება. თუმცა დავით კვიტატიანსაც გასჩენია მსგავსი მოსაზრება. ოღონდ მე მხოლოდ - "მე მომავალი ემიგრანტი ვარ!!!" - მეზედმეტება, რადგან შემდგომი - развод, ჩემო სამშობლოვ!!! , უკარგავს წინას, არსებობის საჭიროებას და მხოლოდ ზედმეტ ხაზგასმად მეჩვენება. ეტყობა, დღეს ისეთ ხასიათზე ვარ, რომ რაღაცები მეზედმეტება. თუმცა დავით კვიტატიანსაც გასჩენია მსგავსი მოსაზრება. ოღონდ მე მხოლოდ - "მე მომავალი ემიგრანტი ვარ!!!" - მეზედმეტება, რადგან შემდგომი - развод, ჩემო სამშობლოვ!!! , უკარგავს წინას, არსებობის საჭიროებას და მხოლოდ ზედმეტ ხაზგასმად მეჩვენება.
9. მტკივნეული, აქტუალური, საკამათო...
მტკივნეული, აქტუალური, საკამათო...
8. ძალიან ემოციურია, საინტერესოდ არის გადმოცემული სათქმელი. პირადად მე, შვილების გაწირვის თემატიკას, ვერ ვიწონებ. ასე ვთვლი- ერთი წვეთი სისხლიც კი, სამშობლოსთვის დაღვრილი, უდიდესი გმირობის ტოლფასია და ქრისტესმიერ თავდადებასთან მიახლოვებული. სხვა საკითხია, წინასწარ, რამდენად განწირულნი იყვნენ მებრძოლები, თუმცა სამშობლოს დადანაშაულება მიზანშეწონილად არ მიმაჩნია, ალბათ მოიძებნებიან კონკრეტული პიროვნებები, ვინც ესა-თუ ის საბრძოლო მოქმედება, არასწორად დაგეგმეს.
რაც შეეხება ბოლო სამ ხაზს: "მე მომავალი ემიგრანტი ვარ!!! развод, ჩემო სამშობლოვ!!! раз-вод!!!" ჩემი პირადი აზრია, ჯობდა არ ყოფილიყო :) ისედაც მთლიანი ტექსტის მიმდინარეობისას, კარგად ჩანს ყველაფერი. მათი წაკითხვით, შთაბეჭდილება დამრჩა, -პოკერში რომ გგონია "ბლეფობს" და აღარ გაყვები, მერე უცებ კარტებს გადმოგიშლის და მიხვდები, სწორად მოიქეცი დაწოლისას. მიჯობდა კარტი არ გაგეხსნათ :)
სიკეთე ყველას! ძალიან ემოციურია, საინტერესოდ არის გადმოცემული სათქმელი. პირადად მე, შვილების გაწირვის თემატიკას, ვერ ვიწონებ. ასე ვთვლი- ერთი წვეთი სისხლიც კი, სამშობლოსთვის დაღვრილი, უდიდესი გმირობის ტოლფასია და ქრისტესმიერ თავდადებასთან მიახლოვებული. სხვა საკითხია, წინასწარ, რამდენად განწირულნი იყვნენ მებრძოლები, თუმცა სამშობლოს დადანაშაულება მიზანშეწონილად არ მიმაჩნია, ალბათ მოიძებნებიან კონკრეტული პიროვნებები, ვინც ესა-თუ ის საბრძოლო მოქმედება, არასწორად დაგეგმეს.
რაც შეეხება ბოლო სამ ხაზს: "მე მომავალი ემიგრანტი ვარ!!! развод, ჩემო სამშობლოვ!!! раз-вод!!!" ჩემი პირადი აზრია, ჯობდა არ ყოფილიყო :) ისედაც მთლიანი ტექსტის მიმდინარეობისას, კარგად ჩანს ყველაფერი. მათი წაკითხვით, შთაბეჭდილება დამრჩა, -პოკერში რომ გგონია "ბლეფობს" და აღარ გაყვები, მერე უცებ კარტებს გადმოგიშლის და მიხვდები, სწორად მოიქეცი დაწოლისას. მიჯობდა კარტი არ გაგეხსნათ :)
სიკეთე ყველას!
7. მომეწონა! ავტორმა კარგად მოახერხა თავისი გულისტკივილის გადმოცემა:(
+++++ მომეწონა! ავტორმა კარგად მოახერხა თავისი გულისტკივილის გადმოცემა:(
+++++
6. კარგად ჩანს ეგ შენი გულისტკივილი ნაწერში...:-* კარგად ჩანს ეგ შენი გულისტკივილი ნაწერში...:-*
5. მადლობა, ნანა :*
"ხანდახან მეჩვენება რომ მე ჩემი ქვეყნის მხლოდ "მიწა-წყალი" მიყვარს...და არა ხალხი..." >>> ეს ჩემი სათქმელიც არის, მეც ასე ვფიქრობ...
მადლობა, ნანა :*
"ხანდახან მეჩვენება რომ მე ჩემი ქვეყნის მხლოდ "მიწა-წყალი" მიყვარს...და არა ხალხი..." >>> ეს ჩემი სათქმელიც არის, მეც ასე ვფიქრობ...
4. ძალიან კარგად მოტანილი, ჩვენი ამჟამინდელი ტკივილი... ამისტვის მადლობა შენ...:-* 555 ხანდახან მეჩვენება რომ მე ჩემი ქვეყნის მხლოდ "მიწა-წყალი" მიყვარს...და არა ხალხი...რადგან ამ ხალხის პოზიცია მტრის მიმართ, ვერ გავიგე დღემდე...:( მაპატიე ავტორო აქ, ამ მიტინგის ჩატარება კაი...:) უბრალოდ იმდენად აქტუალური საკითხია, უხმოდ ვერ ჩავიარე...
"შენა ხარ ჩემი ჯილდოც, სასჯელიც გულზე ახლოს ხარ და ღმერთზე ზემოთ, ჩემო ტანჯულო, ჩემო მტანჯველო, დაულეველო სამშობლოვ ჩემო. შენტან ვარ, მაგრამ მაინც დაგეძებ, როგორც დაეძებს საჭმელს მშიერი, და ამ პატარა მიწის ნაგლეჯზე შემაძრწუნებლად ვარ ბედნიერი. ოთარ ჭილაძე
ძალიან კარგად მოტანილი, ჩვენი ამჟამინდელი ტკივილი... ამისტვის მადლობა შენ...:-* 555 ხანდახან მეჩვენება რომ მე ჩემი ქვეყნის მხლოდ "მიწა-წყალი" მიყვარს...და არა ხალხი...რადგან ამ ხალხის პოზიცია მტრის მიმართ, ვერ გავიგე დღემდე...:( მაპატიე ავტორო აქ, ამ მიტინგის ჩატარება კაი...:) უბრალოდ იმდენად აქტუალური საკითხია, უხმოდ ვერ ჩავიარე...
"შენა ხარ ჩემი ჯილდოც, სასჯელიც გულზე ახლოს ხარ და ღმერთზე ზემოთ, ჩემო ტანჯულო, ჩემო მტანჯველო, დაულეველო სამშობლოვ ჩემო. შენტან ვარ, მაგრამ მაინც დაგეძებ, როგორც დაეძებს საჭმელს მშიერი, და ამ პატარა მიწის ნაგლეჯზე შემაძრწუნებლად ვარ ბედნიერი. ოთარ ჭილაძე
3. წავიკითხე , კარგია, მაგრამ სათაური არ მოუხდა, წავიკითხე , კარგია, მაგრამ სათაური არ მოუხდა,
1. შევიგრძენი...... რაღა დავამატო?! შევიგრძენი...... რაღა დავამატო?!
|
|
მონაცემები არ არის |
|
|