დამიცავი სიზმრებისგან.
ცუდი და კარგი სიზმრებისგან.
გრძელი და მოკლე სიზმრებისგან.
მე მრჩება შორი მიზნებიღა.
ძალიან ძნელი მიზნებიღა.
ღამეს დღეზე რომ არ ვაბამდე.
მშვიდობით მივიდე კარებამდე.
მშვიდობით დავბრუნდე უკან,
რომ ჩემი ძილი არ გაცივდეს,
ჩემი ბალიში არ გაცივდეს,
ჩაი და მგონი რაღაც კიდევ.
ალბათ სულ მალე ირიჟრაჟებს.
სადღაც ოთხ წუთში ირიჟრაჟებს.
ამინდი მოაქვთ დირიჟაბლებს,
კუპრის ნაცრისფერ დირიჟაბლებს
და ალბათ მე თუ მეძებენ.
მგონი მართლა მე მეძებენ.
ანდა უბრალოდ დასტირიან
რაფაზე მიმხმარ ბელზებელს.

გარეთ არ ჩანან ჩემი გზები.
გარეთ არ ჩანან ჩემი გზები.
გზიდან მოგავეს ღამის ფერფლი
და ერთჯერადი ფენიქსების.

ამიტომ კარგად დამიცავი.
მუქი ფარდებით დამიცავი.
მკვდარი ბუზებით დამიცავი.
ღამე იყო და ღამეც არის.
ღამე იყო და ღამეც...