ძმა  მაინც ძმაა რაც არ უნდა ძმაკაცი გყავდეს,
ძმა ხომ შენია, შენი სისხლი და შენი ხორცი,
თუნდაც ათასი კაცი ერთად ტალახში გფლავდეს
ერთი ძმაც ყოფნის ამოყვანას  და თანაც  შორს, ცის

იქითაც თან გდევს  მისი სითბო და მისი ძალა
შენი გულისთვის ათი ათას ტყვიას აიტანს
გვერდში დგომის დროს არასოდეს ეტყობა დაღლა
და წინ სვლა თუ არ შეგიძლია მხრებით გაგიტანს

ამის თქმა მსურდა დანარჩენი თქვენ იცით აწი
ყველა მიხვდება რომ ცხოვრება ყოფილა რთული
ბედნიერია ქვეყანაზე ყველა ის კაცი
ვისაც უგრძვნია თუნდაც ერთი ძმის სიყვარული

............................................................................................

ღვთისა თუ მამის საჩუქარით ვამაყობ მეცა
ძმა ხომ ის არის გასაჭირში ზურგს რომ არ გაქცევს
მუდამ ვიტყვი: გინდ მთელი ქვეყნის დამექცეს ზეცა
ესეთი ძმა მე სამი მყავს და რაღა წამაქცევს.