ნუთუ ჩემი არსებობა სხეულს ასე ძლიერ გტკენდა,
მე ხომ უბრალოდ მინდოდა შენთვის დამეძახა დედა.

მსურდა ჩემი და-ძმასავით მეც შემეგრძნო სითბო შენი,
შენს კალტაში გამელია, ჩვილ ბავშობის წილი დღენი.

მეც მინდოდა, სამშობლოსთან მომეხადა ჩემი ვალი,
მეც მინდოდა, რომ შემსხმოდა ნათლისღების წმინდა წყალი.

დედა ჩემი რომ გესმოდეს ან მხედავდე თუნდაც წამით,
იქნებ მეც შეგყვარებოდი მეც ჩაგეკრე გულში ღამით.

დედი შანსი რომ მოგეცა იცი ვილოცებდი შენთვის,
დედი გზას დაგანახებდი რომლის ბოლოც უფალს ერთვის.

დედი თავი შეიბრალე შვილის სისხლით ხელს ნუ ისვრი,
მე მჭირდები სხვებზე მეტად სანაგვეზე ნუ მომისვრი.

გეხვეწები ნუ ჩაიცმევ შენ ეშმაკის ბინძურ ხალათს,
დედი ჩემი მოკვლისათვის ფულს ნუ გადაუხდი ჯალათს.

მაპატიე თუკი ჩემი არსებობით რამეს გტკენდი,
საუკუნო სიბნელისთვის გთხოვ ნუ გამიმეტებ დედი.

და თუ მაინც გადაწყვიტე რომ დამასო ბასრი დანა,
მხოლოდ ერთს გთხოვ, მხოლოდ ერთხელ მეც მიმღერე იავნანა.

დედი მე შენ ვერასოდეს ვერ ჩაგიწნავ თმაში იებს,
მე გპატიობ, მთავარია უფალი თუ გაპატიებს...

ტ.წაქაძე
21.11.2013