პეტიციას ვუერთდები გულისწყრომით –
როდემდე უნდა ვიხადოთ თქვენი ხარკი?!
ჯერ "მზიური" მოსპეთ, მერე იპოდრომი,
ნახევარი – "ზოო", ახლა "ვაკის–პარკი"?!

არ გეგონოთ ეს ქალაქი უპატრონო,
აქ ყოველი ნარგავი და ხე – ჩვენია!
შეიგნეთ, რომ მოქმედება, უკანონო,
არასოდეს, არსად, არვის შერჩენია!

ღირსნი კი ხართ, გითხრათ – "თავში ქვა გიხლიათ!"
და თქვენზე არ ხარჯოს კაცმა წერის ნიჭი,
მაგრამ მეტის მოთმენა არ შეგვიძლია,
აღარ გვყოფნის ჰაერი და სუნთქვა გვიჭირს!..