| ავტორი: დებორა ჟანრი: პოეზია 22 ნოემბერი, 2008 |
ვინ გაიფიქრებს სულ პირველად, რომ ის არ შეხვდა,ვისაც ელოდა; რომ ყველაფერი უაზროა? როგორც მთვლემარე მასპინძელი ნასურვალ სტუმარს ძლივს გააცილებს და ნასუფრალს მზერას მოავლებს, ვინ გაიფიქრებს, ეს იქნებაო პირველი და უკანასკნელი?
ვინ მოახერხებს შემოხედვას უდარდელად , ანდა ილაყბებს სულ სხვა ამბებზე, სხვა საგნებზე, სხვა სურვილებზე, რომ ბევრჯერ ნაცად კალაპოტში გადაანაცვლოს დუნედ მდინარი საუბარი; ან ჩუმად იყოს, თითქოსდა უფრო დიდი ფიქრით დაკავებული?
ვინ მოიფიქრებს პირველ სიტყვას, რათა დაიწყოს და უცებ იგრძნოს, როგორი შვებით ამოისუნთქა, თითქოსდა ბარგი აეტანოს დათქმულ ადგილას, ან შეეცდება,ყველაფერი ისე დასრულდეს, რომ არ გაუწყდეს ნაცნობობის ფაქიზი სიმი, რომელიც მერე, რა იცი,რა დენს გაატარებს, თუკი დასჭირდა?
ვინ გადასძალავს საკუთარ სურვილს და კისრის მალებს გაიქვავებს, რათა მიმავალს არ გამოუსხლტეს მზერა, ვითომ წინმიპყრობილი?
ვინ ნახავს ძილში, და ვის - ძილი დაეკარგება?
ვინ გაიხედავს გარე-გარე, ვინ - მხოლოდ შიგნით?
ვინ დაიცლება განშორებით, ვინ - აივსება?
1980 კრებულიდან ''ახალდედები'',თბ,1987/
კომენტარები |
ილუსტრაციები |
რეცენზიები |
|
6. მეც ვერ დავუწერ ამ ლექსს 3-ზე მეტს, ოღონდ იმიტომ არა, რომ აქ ენობროვი ან სტილური შეცდომებია. ბურძგლომერი აკლია ამ ლექსს :) ეს ლექსი რომ დაწერეთ, ან არ იყავით შეყვარებულს ჯერ გაცილებული, ან უკვე გადავიწყებული გქონდათ ეს გრძნობა, სიმართლე არ მითხრა ამ ლექსმა. მეც ვერ დავუწერ ამ ლექსს 3-ზე მეტს, ოღონდ იმიტომ არა, რომ აქ ენობროვი ან სტილური შეცდომებია. ბურძგლომერი აკლია ამ ლექსს :) ეს ლექსი რომ დაწერეთ, ან არ იყავით შეყვარებულს ჯერ გაცილებული, ან უკვე გადავიწყებული გქონდათ ეს გრძნობა, სიმართლე არ მითხრა ამ ლექსმა.
5. გილოცავ გიორგობას მისი მადლი და ძალა გფარავდეს :)
გილოცავ გიორგობას მისი მადლი და ძალა გფარავდეს :)
4. უი, როგორ გამიხარდა, ნინო, თქვენი თვითშეფასება რომ წავიკითხე! 3-არა, 5-ს დავუწერ!
ხო, მართლა, ვახო ჭინჭარაული - ჩემი თანაკლასელი იყო! :) უი, როგორ გამიხარდა, ნინო, თქვენი თვითშეფასება რომ წავიკითხე! 3-არა, 5-ს დავუწერ!
ხო, მართლა, ვახო ჭინჭარაული - ჩემი თანაკლასელი იყო! :)
2. პირადად მე,ახლა ამ ლექსს,3-ზე მაღალ შეფასებას ვერ დავუწერდი. მთავარი პრობლემა ენობრივი ხასიათისა მგონია.იქმნება არცთუ უსაფუძვლო შთაბეჭდილება,რომ ავტორს არ ჰყოფნის გამოცდილება პოეტური მეტყველების დამორჩილებისა. ამდენი კითხვითი წინადადებები რიტმულ-ინტონაციურ მონოტონიას რომ არ ქმნიდნენ,საჭიროა,თუნდაც ფინალური მონაკვეთი განსხვავდებოდეს დანარჩენებისაგან,იყოს ან თხრობითი ან ბრძანებითი წინადადების ფორმით. ეს უკვე კომპოზიციის პრობლემაცაა,ანუ კომპოზიციურად ლექსი შეუკრავი გამოდის,თუმცა კომპოზიციურობისაკენ სწრაფვის ცალკეული ნიშნები სახეზეა. ამ ლექსის ერთი თვისება,რომელიც ნაკლად შეიძლება ჩაითვალოს ნებისმიერი დროის სასიყვარულო ლირიკისათვის,ისიცაა,რომ ხედვა მიპყრობილია მთლიანად სოციალურ პლანზე სიყვარულისა. შედარებანიც სოციალური ხასიათისაა. პირადად მე,ახლა ამ ლექსს,3-ზე მაღალ შეფასებას ვერ დავუწერდი. მთავარი პრობლემა ენობრივი ხასიათისა მგონია.იქმნება არცთუ უსაფუძვლო შთაბეჭდილება,რომ ავტორს არ ჰყოფნის გამოცდილება პოეტური მეტყველების დამორჩილებისა. ამდენი კითხვითი წინადადებები რიტმულ-ინტონაციურ მონოტონიას რომ არ ქმნიდნენ,საჭიროა,თუნდაც ფინალური მონაკვეთი განსხვავდებოდეს დანარჩენებისაგან,იყოს ან თხრობითი ან ბრძანებითი წინადადების ფორმით. ეს უკვე კომპოზიციის პრობლემაცაა,ანუ კომპოზიციურად ლექსი შეუკრავი გამოდის,თუმცა კომპოზიციურობისაკენ სწრაფვის ცალკეული ნიშნები სახეზეა. ამ ლექსის ერთი თვისება,რომელიც ნაკლად შეიძლება ჩაითვალოს ნებისმიერი დროის სასიყვარულო ლირიკისათვის,ისიცაა,რომ ხედვა მიპყრობილია მთლიანად სოციალურ პლანზე სიყვარულისა. შედარებანიც სოციალური ხასიათისაა.
|
|
მონაცემები არ არის |
|
|