რა მისი ბრალი იყო, ასე რომ აიწოწა , არც რამე განსაკუთრებულს ჭამდა და არც რამეს სხვანაირს სვამდა.
მაღალი მაღალს გააჩნია...
"ნაუშნიკები" ჯიბიდან ყურამდე რომ აღარ მიწვდა, ბიჭებმა "ტრაინიკა" შეარქვეს....
  ( არც "შტეფსელა" და არც "ტარაპონკა" , იმენნა "ტრაინიკა"...)

გრძელი  იყო , ისეთი, თბილისში წაქცეული  ,  ქუთაისში რო ადგება და პირიქით...
დედამისი ბაზრობაზე მისთვის ჩუსტის საყიდლად  მისულა:
--- ბავშვისთვის მინდაო.
---- რამხელაა ბავშვი და რა  ზომაო?---უკითხავთ
--- 14 წლისაა, ჩუსტი მინდა,  ასე 45 ზომისაო.
---ქალბატონო, ეგაა  მერე ბავშვიო?  ბავშვი გამიგია მე 35 ფეხის ზომითო.

  ბოტასი ეცვა, ძირზე  "სოროკპასლედნიი "  ეწერა    ზომა,    და ჯინსი, სულ მუდამ წვივზე ამოკანჭალებული. ყიდვიდან
მუდამ სამ  კვირაში უპატარავდებოდა ...
  მერე ჩიყვი აღმოაჩნდა, ფარისებრი ჯირკვალი სიმაღლეს ვერ გაყვაო...ერთხანს  წამლებზე დასვეს...
...და კალცი ბლომადო, ძვლის სტრუქტურაო თუ რაღაც...
  ძველშუამთაში, სანთლის ასანთებად შესულმა ,  სამჯერ რომ მიარტყა თავი დაბალ ნიშას და  სამივეჯერ შუბლი გაიტეხა,
მეტად ეკლესიაში აღარც შესულა...
  გოგო შეუყვარდა, ნამეტნავად, ქამრის ბალთამდე წვდებოდა, ამოიღლიავებდა და ისე დადიოდნენ...
  გოგოსაც უყვარდა, ალბათ ნამეტნავად....
  საბანში ფეხები გარეთ ეწყო სულ, არ წვდებოდა...

  ყველაზე მეტად მაინც "ტრაინიკა" სწყინდა, იმენნა "ტრაინიკა"