მოვალ ! შენ მხოლოდ სიყვარული მაჩუქე თოვლში,
შემომაგებე შენი გული იების კონად !
ოღონდ ვიცოდე,შენ გჭირდები ამ სამყაროში
ოღონდ ვიცოდე გიყვარვარ და უთუოდ მოვალ !!

ავახმაურებ არე-მარეს,მოვივლი ქუჩებს,
ზამთრის სუსხიც კი ვერ დააკლებს ვერას ნაბიჯებს ,
მოვალ და თუკი ეს ცხოვრება იღბალს მაჩუქებს
ბინას დავიდებ შენს ფიქრებში..ბინას დავიდებ !!

განთიადს ერთად მივაწვდინოთ ჰორიზონტს თვალი,
ღიმილობანაც ვითამაშოთ იქნებ საღამოს
გინდა?მიყვარხარს მე არ გეტყვი,შენ დამასწარი,
ისე ვიყვიროთ,რომ დავუფრთხოთ ძილი სამყაროს..

და მერე  ზამთარს სითბო შეცვლის...შეწყდება თოვა,
ჩვენ კი ჩვეულად სიჩუმის ხმას ყური დავუგდოთ..
შენს თვალებს ვფიცავ,სიყვარული უჩემოდ მოვა
მაგრამ ვერასდროს მე ვერ მოვალ უსიყვარულოდ...