მინის სარკმელთან არ "მშობიარობ",
მაგრამ სამყარო გრძნობს,
სამყარო ხედავს,
რომ არაფერი ემატება
და არც აკლდება,
მიწას და ჰაერს.

სიცარიელე ბადებს სიცარიელეს!

ირონიულად ეღიმებათ მზესა და მთვარეს,
რომ გასაყარზე დღისა და ღამის,
როგორღაც მიხვდი,
რომ ყველაზე მწარე
ის ტკივილია,
დრო რომ ვერ შველის
და პირიქით უფრო მწვავდება,
იქნებ ბოლომდე შენი ბრალიც არ არის,
მაგრამ მაინც,
ყველაზე მძაფრი ტკივილია
ღალატი თავის...

და მხოლოდ საკუთარ თავს თუ ღალატობ,
გეშინოდეს_განმეორდები!