ავგაროზები ჩემს აკვანთან -
შენი თვალებია,
ყოველ შუაღამეს, ნამტირალევს,
სიყვარულით რომ დამყურებს სიბნელიდან
და ცდილობს ამარიდოს კოშმარებს.

უხეში თითებით, მეხები
შიშველ ფეხისგულებზე,
და ფრაზები, რომლებსაც ბუნდოვნად
ვარჩევ და მნიშვნელობა არც კი ვიცი,
თბილად სერავენ ყურის ბარაბნებს,
გიღიმი მა...



* * *

დღეს შენი დაბადების დღეა და
ისევ ამეკვიატე,
უბრალოდ დავდივარ
კეპკით ოთახებში,
ვფიქრობ?
არა ეს უფრო სხვა მდგომარეობაა -
მდგომარეობა რომლის დროსაც
მოგონებებში გადავდივარ,
ხან ვიღიმები, ხან სევდა მიპყრობს
ხან ვოცნებობ...
კარგი მეგობრები ვიქნებოდით...