ახლა წვიმა არის, ზეცა ფორიაქობს, ტირის.
ვფიქრობ, დავსველდე და წვიმას შევეხიზნო მინდა.
დილით გადმოგირგავ სახლთან ამ ლირიკოს ტირიფს,
თვითონ მოგიყვება, როგორ გიწერდი და წვიმდა.

წვიმა, შხეფები და თმებში მარგალიტნი ტოლნი,
როგორ მიყვარდი და როგორ გინატრებდი. მქვია
წუხელ ნამთვრალები, ღამენათევი და დრონი
ისე ჩაგივლიან, მაინც ვერ მიხვდები გვიან

როგორ მიყვარდი და როგორ გინატრებდი. ტირის
ზეცა... დავსველდე და წვიმას შევეხიზნო მინდა.
ჩემი სახლის წინ რომ ხე დგას, გადმოგირგავ დილით,
თვითონ მოგიყვება, როგორ გიწერდი და წვიმდა..