დღეს ვიღაც სხვა ვარ,
              არა, არ ვარ არც ის სხვა,
              ვიღაცას ვგავარ, ვიღაცას ვგავარ
              მაინც სხვაგნით ვარ..

              დღეს მე არ მწამს, არც უსასოობა
              და არც ბოროტის სხვა შობილი,
              დღეს მე სხვაგნით ვარ,
              დღეს მე მიფარავს ცით ღვთისმშობელი!

              დღეს მე ის არ ვარ,
              ვინც შენ გგონია ფეხდაფეხ დაგდევს,
              დღეს მე არც ის ვარ,
              ქვეყნის ამაოება რომ ადარდებს..!

              ქვეყანა წავა,
              სულ ასე ივლის ავ-კარგთან ერთად,
              როცა ღრუბელი მოაწვა თბილისს,
                                        ბნელი გამეფდა.
              როცა პატარა საწყალად ტირის,
              ცას იმხობს თავზე,
              როცა ბებერი,
              შიშჩამდგარი თვალებით სავსე,
              ხატია ქვაზე...
              მარადისობას გულს უქარგავს იმ ბავშვის ცრემლი,
              ისევ მუშაობს,
              ისევ აკაჟებს ცხელ რკინას გრდემლი!