***
თუ აგიწონავს ქლოროფილით სავსე ფოთოლი
და შემოდგომით დავარდნილი, ხმელი, ობოლი,
იცი, მათ შორის განსხვავება რარიგ დიდია?

ეს სიცოცხლეა, ერთადერთი, სრული სიცოცხლე!


***
გულდაწყვეტილი დავემშვიდობე "დილას კამკამას",
აწი "ცხელი დღეც" გაილევა, არე ცივდება,
ვიცი "საღამო" უფრო მეტად გამიჭირდება,
მაგრამ იმედი ღიმილიან მთვარეს მპირდება.

***

ამაყად თავაწეულს,
ქარმა დაბერა ბაბუაწვერას,
მან კი ლამის სულიც თან გააყოლა
ცაში გაფანტულ მის სილამაზეს...
იქვე, მაზობლად მყოფმა სამყურამ
თავი დახარა მორიდებულად,
ცრემლივით ჩუმად დაცურდა ნამი,
ჩემი ჯერიც მოვაო მალე.