| ავტორი: თანანა ჟანრი: პოეზია 24 ივლისი, 2014 |
მიდიხარ, მიგაქვს ტალახიც, ჭუჭყიც გზების, აკრული ნაცვეთ ლანჩებზე. ჯერ კიდევ დრო გაქვს, დრო ხარჯო ფუჭად, სადაც არა სჯობს, იქაც გაჩერდე... მიდიხარ გზებით მოკლე თუ გრძელი, არც გრძედი იცი და არც განედი. შეგიკრავს წლები გზადაგზა ძნებად, მიმოჩალულებს ჰგვანან გარედან... ერთი მგზავრი ხარ ზღვის და ხმელეთის, იყოს გზავნილი მიგაქვს არასთან... იღბალს თვითონ სჭირს ელეთ-მელეთი, შენ აბა, როგორ დაგიფარავდა... მიგაქვს ცხოვრება ზურგზე სახლივით, წასულ-წამოსულ ყველა ბინადრით. იცის ტკივილმა თვალის ახელა მას შემდეგ, ნაცარს როცა მიაყრი... მიდიხარ პირში ქარებნაცემი, ზურგსუკან ორმო გრჩება ნაწბილი. მიმარტოსულობ, ნატვრის ნამცეცებს შენს ფიქრებს უფშვნი მარტოკაცივით... ყოფა კი გეშით მოგდევს მტაცებლის, იქნებ, როგორმე გამოგკრას კბილი... დრომ ჩამოგიცრა უკვე საცერში, საქარედ - ქატო, საგზლად კი ფქვილი... გზა შენზე ადრე იკვალავს სავალს, შენს გარდა, ბევრი სხვაც რომ გაივლის... შენ რომ უჩრდილო გეგონა ალვა, მასაც ჩრდილი აქვს რაღაცნაირი... მიდიხარ შენი დუმილ-ხმაურით, და კარგად იცი, ერთი და ის, რომ, ვერცერთი გზიდან გვერდს ვერ აუვლი იმ ბედისწერას, შენზე რომ ფიქრობს... 24.07.14 (ცაციით ნაწერი)
კომენტარები |
ილუსტრაციები |
რეცენზიები |
|
11. გურული მგზავრული- ყველა ფრაზა ისეთი მოქნილი და მახვილია...
გურული მგზავრული- ყველა ფრაზა ისეთი მოქნილი და მახვილია...
10. ვერცერთი გზიდან გვერდს ვერ აუვლი იმ ბედისწერას, შენზე რომ ფიქრობს...
მარჯვენით დაწერილი სხვანაირი იქნებოდა?:)) ვერცერთი გზიდან გვერდს ვერ აუვლი იმ ბედისწერას, შენზე რომ ფიქრობს...
მარჯვენით დაწერილი სხვანაირი იქნებოდა?:))
9. მშვიდი და სევდიანი ლექსია... მიუყვება თავის გზას ტაატით... მომეწონა...5 მშვიდი და სევდიანი ლექსია... მიუყვება თავის გზას ტაატით... მომეწონა...5
8. "ცაციით ნაწერი" იმას ნიშნავს, რომ მარცხენათი დავწერე, ცხოვრებაში პირველად... "ცაციით ნაწერი" იმას ნიშნავს, რომ მარცხენათი დავწერე, ცხოვრებაში პირველად...
7. ბედისწერა , თან სდევს სადაც არ უნდა დაემალო ძალიან, ძალიან ღრმა აზრიანი ლექსი! ბედისწერა , თან სდევს სადაც არ უნდა დაემალო ძალიან, ძალიან ღრმა აზრიანი ლექსი!
6. იღბალს თვითონ სჭირს ელეთ-მელეთი, შენ აბა, როგორ დაგიფარავდა...
++
სტაბილურად კარგი ლექსები გაქვთ. :) იღბალს თვითონ სჭირს ელეთ-მელეთი, შენ აბა, როგორ დაგიფარავდა...
++
სტაბილურად კარგი ლექსები გაქვთ. :)
5. ნატვრის ნამცეცებს, შენს ფიქრებს უფშვნი მარტოკაცივით–მომეწონა ნატვრის ნამცეცებს, შენს ფიქრებს უფშვნი მარტოკაცივით–მომეწონა
4. კარგი ლექსია, ცაციით ნაწერი რამეს ნიშნავს? კარგი ლექსია, ცაციით ნაწერი რამეს ნიშნავს?
3. ძალიან ღრმა ლექსია და მნიშვნელოვანი სათქმელიც მოაქვს_ ნარატივი ადეკვატური და შესაფერისი ფორმაა ამისთვის-აუცილებელიც კი... მომეწონა ,ბევრი კარგი სახეა.. + + ძალიან ღრმა ლექსია და მნიშვნელოვანი სათქმელიც მოაქვს_ ნარატივი ადეკვატური და შესაფერისი ფორმაა ამისთვის-აუცილებელიც კი... მომეწონა ,ბევრი კარგი სახეა.. + +
2. მიყვარს თქვენი პოეზია. მიყვარს თქვენი პოეზია.
1. + +
,,ვერცერთი გზიდან გვერდს ვერ აუვლი იმ ბედისწერას, შენზე რომ ფიქრობს...''! ასეა! + +
,,ვერცერთი გზიდან გვერდს ვერ აუვლი იმ ბედისწერას, შენზე რომ ფიქრობს...``! ასეა!
|
|
მონაცემები არ არის |
|
|