რამდენი სიყალბეა ირგვლივ, რომ იცოდე დედა!
ხანდახან მეც რომ ყალბი ვარ, მტკივა ამის გამო დედა!
სანთლის საყიდლად  გამზადებული ფული ვერც მე ჩავუყარე მათხოვარს  ჭუჭყიან  ქუდში.
აჯობებდა კი_მისთვის მიმეცა...
რომ იცოდე დედა, შენ შვილს როგორ ტკივა, როცა სანთელს ანთებს  და შენზე ლოცულობს...

უშენოდ  დაიმშა  ფანჯრის რაფასთან შენზე  შემოჩვეული ბეღურები, სულ მიკაკუნებენ...
ფერგადასული გვიყურებს კედლიდან შენი ნაყიდი სურათი , შენვე რომ მიაწერე: დედისგან შვილებს
როგორ მინდა იცოდე დედა, რომ მე ახლა უკვე ქალი ვარ, უკვე ვარ  დედა და შენნაირ დედობას ვნატრობ
შენნაირად ლამაზად საფლავზე მოსვლაც არ მომიხდა!
რომ იცოდე...რომ იცოდე...რომ იცოდე----ვგრძნობ რომ უკვე ყურებში წივის  და ვერაფერს ვამბობ.


შენ მეტყოდი: ვიცი, შვილო, ყველაფერი ვიცი ,  უთქმელადაც ვიცი ...