URAKPARAKI

ავტორი: ზარნაძე
ჟანრი: პოეზია
12 ოქტომბერი, 2014

აღსარება

და ეს დღეები არ გაივლის, ვიცი, უკვალოდ...
გადამივლიან შემოდგომის მძიმე ნისლები...
მოდი, შემოდი ჩემს ოთახში, ჩემო უფალო,
სანამ ამ ნერვებს უღმერთობით ამომივსებენ...
გამირბის ხელში დაჭერილი ბედის მერცხალი,
ოქტომბერისფრად გადაყვითლდა ჩემ წინ ვაშლები...
ღმერთო, ჩემს რწმენას ცოდვის წვიმით ისე რეცხავენ,
შიშნაჭამი ვარ, ჩემს სამოთხეს თვითონ ვაშენებ...
ვგავარ დაღლილ მგზავრს და სიზმრებში ვნახულობ წყაროს,
ჩემს ფანჯარასთან ნირს იცვლიან ქარში ხეები...
მოდი, შემოდი ჩემს ოთახში და შემიწყალე,
სანამ კაცს ვგავარ, სანამ სული გამიხელდება!..
და ვიცი, მალე სულ ყველა ჯაჭვს ყელთან ავიწყვეტ,
ამ ქვეყანაში კარგად ვხედავ - დამრჩა ცოტაღა...
ჩემი ღმერთი მყავს, იმედია, მართლა არ მიწყენ,
ან და სულ სხვა გზა დამანახე, თუკი ცოდვაა!..

გადმოწერეთ PDF ფორმატში

კომენტარები

ილუსტრაციები

რეცენზიები

24. ძველი ლექსები უფრო მომწონს ამ ბიჭის :)

სამყაროს მიღმა. 2014-10-26 12:22:04

23. მოდი , შემოდი ჩემს ოთახში და შემიწყალე,
ან
ამ ქვეყანაში კარგად ვხედავ- დამრჩა ცოტაღა...

ეს უნდა მოვიწონო?

მუხა. 2014-10-25 02:46:51

22. მხოლოდ ინტერესის გამო დავდებ 2 დღეში ახალს :) მძიმე დღე მქონდა, ირინკა და სახლში დაღლილ-გაბრაზებულ მოსულს, ჩემი წუხანდელი ლექსის ბედმა დამაინტერესა და მოკლედ რაა... :D

ზარნაძე. 2014-10-14 00:13:12

21. "და მოკლედ არაა ლიტერატურული გარემო აქ... "იუთუბის ლექსები* ჰგონია აქ ბევრს პოეზია და ბევრი, ვინც გემოვნებიანად წერს, დაიგნორებულია... გიო ზარნაძეს რო გაიგებთ მომავალში, გამიხსენეთ,აქაც წერდა ერთ დროსო :D "

კონკრეტულად საიტის არვიცი, მაგრამ საიტზე არსებული გარემოს გამო, ნამდვილად დაგრუზული ხართ მგონი :) ეგ არაფერი, მოგიბრუნდება გული :) ეს თვისება ნამდვილად აქვს ურაკპარაკს :))

ირინკა. 2014-10-14 00:05:09

20. ირინკა, ამის მიზეზად ეს საიტი არავითარ შემთხვევაში არ ჩათვალოთ :)

ზარნაძე. 2014-10-14 00:03:18

19. დაიგრუზონ მერე, ზოგს უარყოფითი ემოცია სიამოვნებას გვრის და ახალი ლექსის წერაში ეხმარება. :)

დევი. 2014-10-14 00:02:04

18. ეგრე თქვენც კი დაიგრუზეთ, ნეტა რატომ? :)

ირინკა. 2014-10-14 00:01:17

17. "მე რომ დავწერე შეფასებები კომენტარების სახით, "დაიგრუზა სასტავი" ეს კომენტარი ნახეთ დევი?

ზარნაძე. 2014-10-13 23:59:14

16. მეც გეხმარები გაპიარებაში ( დააფასე :) )

კომენტარს რომ არ წერენ, არ ნიშნავს რომ არ კითხულობენ
უბრალოდ ბევრს არ უყვარს უარყოფითი კომენტარის წერა
ამიტომ თუ არ მოეწონებათ, თავს არიდებენ ხოლმე

მაგრამ გული არ დაიწყვიტო
იმიტომ ხომ არ წერ, ვინმეს რომ მოეწონოს? წერ იმიტომ რომ გინდა რომ დაწერო.
სხვანაირად არ შეგიძლია
ამიტომაც ვის მოეწონება და ვის არა, ეს მეორეხარისხოვანია

ნ-ი-კ-ი. 2014-10-13 23:58:32

15. თავად არავის უკომენტარებთ და სხვისი გიკვირთ. აქ 3 ქულა მქონია დაწერილი, მაგრამ არ გამიჩნდა სურვილი ან შენიშვნა მომეცა, ან შემექეთ, ამიტომ არ დავტოვე კომენტარი.

დღეს ბუტიების საერთაშორისო დღეა თუ რა ხდება, მესამე გაბუტული ვიპოვე.
მე აქ დაგელოდებით. :)

დევი. 2014-10-13 23:57:26

14. სიმართლეს არ გეუბნებიანო, ეგ რა შუაშია? მე თვიტკრიტიკამ იქამდე მიმიყვანა, კარგა ხანს აღარ ვწერდი, ჩემი ლექსები თქვენზე მეტად არ მომწონს... საქმე იმაშია, რომ აქ არაფერს არ ამბობენ, ერთ-ორ კომენტარი არაა საკმარისი, მეგობარო... ახლაც მე თვითონ გავაპიარე ჩემილექსი :D

ზარნაძე. 2014-10-13 23:54:02

13.
ძალიან კარგია, განსხვავებული. 5 ქულა და მეტი.

ნეფერტარი. 2014-10-13 23:53:29

12. რასაკვირველია მოგძებნიან ფეისბუკზეც ყველა, ვისაც აინტერესებს თქვენი შემოქმედება
ერთი კია, რომ ფეისბუკზე ძირითადად ნაცნობები არიან, რომლებიც სიმართლეს პირში არ გეუბნებიან ( არადა პირიქით უნდა იყოს წესით )

ნ-ი-კ-ი. 2014-10-13 23:50:44

11. https://www.youtube.com/watch?v=pza5F_LekuM&feature=share

ზარნაძე. 2014-10-13 23:50:08

10. წერას არ ვანებებ თავს!.. ჩათვალეთ, რომ გემოვნებიანი პოეზიის, პროზის და ყველა ასეთი მწერლის თუ პოეტის მეგობარი ვარ - სულიერად, ვირტუალურად და "ლაივში" :) "მწიფე მეტაფორა" - გვერდი ფცბკზე მოძებნეთ, თუ გაინტერესებთ :)

ზარნაძე. 2014-10-13 23:44:29

9. ჯანსაღი ამბიცია კარგია, მაგრამ ისე რავთქვა არვიცი :) წარმატებები ავტორს :)

ირინკა. 2014-10-13 23:43:24

8. რატომ მიდიხარ, დარჩი არ წახვიდე....ისედაც უჭირს ქართულ პოეზიას...თან რომ გავიგებთ მერე ხომ უნდა ვიბლატაოთ ვიცნობთო? რაწესია

არაჩვეულებრივი წევრი. 2014-10-13 23:39:12

7. ღმერთმა ქნას ასე იყოს და გავიხსენოთ :)
წარმატებები გიო ზარნაძეს

ნ-ი-კ-ი. 2014-10-13 23:37:00

6. მე რომ დავწერე შეფასებები კომენტარების სახით, "დაიგრუზა სასტავი" და მოკლედ არაა ლიტერატურული გარემო აქ... "იუთუბის ლექსები* ჰგონია აქ ბევრს პოეზია და ბევრი, ვინც გემოვნებიანად წერს, დაიგნორებულია... გიო ზარნაძეს რო გაიგებთ მომავალში, გამიხსენეთ,აქაც წერდა ერთ დროსო :D

ზარნაძე. 2014-10-13 23:35:28

5. ობიექტური მკითხველი, შემფასებელი და კრიტიკოსი არაა ამ საიტზე, მეც ვიცი,უკეთესები დამიწერია, მაგრამ ერთნაირად აფასებთ ყველას და რთული გასაგებია მეგობარნო... ამ ლექსით დაგტოვებთ ალბათ :)

ზარნაძე. 2014-10-13 23:28:14

4. დიდი ხანია შევამჩნიე, რომ საკმაოდ კარგად წერს ეს ბიჭი.
მაგრამ კომენტარებში არ აქტიურობს და შესაბამისად, მასაც ცოტა აფასებს.
აქ ხომ ძირითადად ასეა - ან ცნობილი უნდა იყო, ან კომენტარებში უნდა აქტიურობდე ასე თუ ისე. :)

ლუტეცია. 2014-10-13 00:58:42

3. ოქტომბრისფრად გადაყვითლდა ჩემ წინ ვაშლები-საერთოდ შესაცვლელია

ელადა. 2014-10-12 23:08:10

2. ადრე უკეთ წერდი.
არაფერი არაა ეს ნაწერი
0

წარმატებები

სანდრე.. 2014-10-12 19:42:46

1. და ვიცი, მალე სულ ყველა ჯაჭვს ყელთან ავიწყვეტ,
ამ ქვეყანაში კარგად ვხედავ - დამრჩა ცოტაღა...
ჩემი ღმერთი მყავს, იმედია, მართლა არ მიწყენ,
ან და სულ სხვა გზა დამანახე, თუკი ცოდვაა!..

ამას არაუშავს.
1

არაჩვეულებრივი წევრი. 2014-10-12 18:39:16