ერთადერთი, კორპუსებში კუნძულივით შემორჩენილი ცისფერდარაბებიანი სახლი. სახურავზე თუნუქის მამალი, გვერდზე მიწოლილი ანტენა. ბაღში უამრავი ვარდი, ნემსიწვერები და გვირილები. ფითრმოდებულ ვაშლებზე მხოლოდ ყვავები. მსხალზე  -შოშიების ბუდეები.

ეზოში კატები - ჟანგისფერები, შავები, ჭრელები, დიდები, გამხდრები, მსუქნები, ჯიშიანები, უჯიშოები. ღნავიან, კნავიან, ჩიტებს დარაჯობენ. ხეებზე მიძვრებიან. მესერზე ეკიდებიან.

"ბაბა" დაშა-მოხუცი, მარტოხელა.
შვილები შორს, გადაკარგულში.
ვოლოგდა,ჩერეპოვეცი. . .

სამზარეულოს კედელთან წვიმის წყლით სავსე “ლახანკა” და “ვედრო”
ფანჯარასთან მიდგმული მაგიდა.
ფოჩებიან სუფრაზე  ფერშეცვლილი სამოვარი. ვაზაში- "ბუბლიკები"
ქოთნებში იები - ივან და მარია.

წინსაფრის ჯიბეში ძველი წერილები.
ცისფერ თვალებში -ცისფერი სევდა. გულში - მიმქრალი, სითბოგამოცლილი იმედი.
ბიჭები მალე ჩამოვლენ. . .