ნაწარმოებები


ლიტ. კონკურსი - - “რჩეულის-რჩეული“     * * *     დაწვრილებით ლიტ-მოვლენაში

ავტორი: მანანა კაკაჩია
ჟანრი: საბავშვო
25 ოქტომბერი, 2014


პატარების მხიარული ისტორიები ( გაგრძელება )



                              =      23        =
სამი წლის გიორგის ბიძაშვილებს, თეკლეს და მარიამს ძალიან უყვართ ფრჩხილებზე ლაქის წასმა. მათ შემხედვარე გიორგისაც მოუნდა “მანიკური”.
- შენ ხომ გოგო არ ხარ? ლაქს მხოლოდ გოგოები ისმევენ  - აუხსნა ბებომ.
საღამოს გიორგი ბებოს გაჰყვა ძროხის მოსაწველად.
- ბებო, ძროხა გოგოა თუ ბიჭი? – ჰკითხა გიორგიმ.
- გოგო – უპასუხა ბებომ.
- ფეხზე შავი რა აქვს?
- ეს ჩლიქებია , ბებო, აი, შენ რომ ფრჩხილები გაქვს იმის სამაგიეროდ ძროხას ჩლიქები აქვს – აუხსნა ბებომ.
- მე მალე მოვალ – დაუბარა გიომ ბებოს და სახლისკენ გასწია. მალევე მობრუნდა “მანიკიურით” ხელში.
- ეს რად გინდა გიო ?
- ძროხას უნდა წაუსვა .
- ძროხას ლაქი რად უნდა? – გაეცინა ბებოს
- ხომ მითხარი, ლაქს გოგონები ისვამენო, ძროხაც ხომ გოგოა? – უპაუხა ბიჭმა.

კომენტარები ილუსტრაციები რეცენზიები