დალახვროს ეშმაკმა აღლუმი სვავების
და თვალებდათხრილი დუმილი ბრმებისა!
დალახვროს, ვიდრემდე უფალთან წავრდგებით,
თუკი ეს, ოდესმე, საერთოდ გვეღირსა!

ხო, ფურთხის ღირსნი ვართ! მართლება არ გვინდა
თავის და... წინაპართ ხსენება ყოველდღე...
ხომ ვქექავთ ნარჩენებს, საკუთარ ნაგვიდან
და სინდისს ვიფიცებთ ანიდან ჰოემდე?!.

ნუ მივცემთ დაცინვის, უფლებას შეშლილებს!
ან იქნებ, სამართალს შევაბათ ურემი?!.
იქნება ჯერ კიდევ როგორმე ვუშველოთ
თავს, თორემ სვავემბმა დაგვძიძგნეს უმები.

დალახვროს ეშმაკმა ვინც, მტრულად მოვიდა!
დამლახვროს, მეც რადგან იმედით მივედი!
ათასჯერ მომგლიჯეს ეს გული მკერდიდან
და სისხლად დაცლილსაც უჭერენ კბილებით!