ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ტ ა ტ ო
ჟანრი: პოეზია
15 დეკემბერი, 2014


არ გთმობ!

ჩემმა გულმა შეგიყვარა გულწრფელი და კეთილი,
შენთვის ღია კარი გახდა, სხვისთვის - გადაკეტილი.

ჩემმა თვალმა შეგიყვარა ლამაზი და ტანადი,
შენს ცქერაში დათრობა სურს დღეს და აწ და მარადის.

ჩემმა ხელმა შეიყვარა შენი კანის სინაზე;
ნაფერები დაგამჩნია ვით დაორთქლილ მინაზე.

ჩემმა სუნთქვამ შეიყვარა შენი ნაზი სურნელი,
სხვა ჟანგბადი აღარ უნდა, არის შენი მსურველი.

ჩემმა სმენამ  შეიყვარა შენი ბგერის წკრიალი;
ჩემმა ფიქრმა შეგიყვარა სპეტაკი  და სათნო;
აღარ უნდა არცერთ მათგანს უშენოდ ხეტიალი,
ამის მერე ანგელოზო, მითხარ როგორ დაგთმო.

კომენტარები ილუსტრაციები რეცენზიები