ნაწარმოებები


ლიტ. კონკურსი - - “რჩეულის-რჩეული“     * * *     დაწვრილებით ლიტ-მოვლენაში

ავტორი: მანანა კაკაჩია
ჟანრი: პოეზია
24 ივლისი, 2015


სევდის სკივრი

სევდის სკივრი გავხსენი და
ვამზეურე დარდები,
ზოგი ძლიერ გაცრეცილა
წლობით სკივრში ნადები.
ზოგი ისე ცინცხალია,
წლევანდელი მეგონა...
მაინც ყველა გადავყარე
ჰო და ... გულზე მეფონა.
იცით? სკივრსაც გავიმეტებ,
თუმც ძველია ძალიან,
სევდისთვის და დარდებისთვის
უკვე აღარ მცალია.
აწი უნდა გავიხარო
მოდგმითა და ნაგრამით,
სიხარულით მსურს ავივსო
დრო, წუთებიც და წამიც.
ღმერთო, შეგთხოვ, გამიგონე,
სევდა, დარდი მაშორე,
დამეხმარე, ავიტანო
მე შვილების სიშორე.
სევდის სკივრი გავხსენი და
მოვიშორე დარდები,
განურჩევლად გავიმეტე
ახალიც და ნადებიც.

კომენტარები ილუსტრაციები რეცენზიები