მოვგავარ პატარა მოთხრობის ბროშურას,
რომელსაც ვერავინ კითხულობს ბოლომდე,
ათასი მკითხველი ათასჯერ მესტუმრა
ვერ გასცდა ვერავინ ბროშურის ოთხ ფურცელს..
დამდებენ თაროზე,დაგვმტვერავს ორივეს
მივიწყებს მკითხველი (ხან ოთხი-ხუთი დღე),
ამიღებს, თავიდან გადაშლას დამიწყებს,
მოდი და „ბროშურამ“ ამდენი ითმინე!
ვერც იმას იხსენებს რა მოხდა თავიდან,
საწყის გვერდს უყურებს და ცდილობს დაიწყოს
პატარა მოთხრობის ხელახლა წაკითხვა
ოთხ ფურცელს კითხულობს,კვლავ დადებს
(გადის დრო)..
აჰ,კიდევ შემომდეს თაროზე გაშლილი,
ბოლო გვერდს არასდროს არავინ ნახულობს,
მტვერისგან სავსე და ცოტათი დაღლილიც
თაროზე ვგდივარ და მოვითხოვ დამხურონ !