სამი თვე იბრძოდა მამა ლაბრაში. ჩვენ რომ კოჩარის ცენტრში სატვირთო მანქანაზე შეგვყარეს, მამამ გამოგვაცილა. უკვე ცეცხლი ეკიდა ქეთევანს და ცა იყო წითელი. - ნუ უყურებო ! - შენიშვნა მომცა. დიდი ბებიის მოქსოვილი ქუდი მეხურა. დაიძრა ჩვენი მანქანა და მამაც ტყვიანაკრავივით გამოგვეკიდა : - ქუდი, ქუდი ! - ყვიროდა. მიუხვდა დედა, მომშხვლიპა თავიდან და ესროლა. ჰაერში დაიჭირა მამამ და დავინახე, როგორ მოამწყვდია მუშტში. მერე ბებომ ქაშმირის თავშალი მოიხსნა ბეჭებიდან და თავზე მომახვია. წვიმდა მაშინაც ! ახლაც სახლში დევს ის თავშალი, იმ დღის მოგონებებს ინახავს. არც კეთებია მას მერე ბებოს, ეშინია ალბათ, არ დააფრთხოს ნაჭერში გამოხვეული ხსოვნის პეპელები ქუდი... ჰო სანამ თვალს არ მივეფარეთ, იდგა მამა, მუშტიდან გაენთავისუფლებინა და ახლა ჰაერში იქნევდა ! მერე ტელევიზორში ვნახეთ, ქუდით ვიცანით, ცოცხალიაო, ყვიროდა ბებო და თითქმის მალაყებს გადადიოდა სახლში. - ტამიშელი ბავშვი იბრძოდა ჩემთან ერთად, არ ვიშორებდი გვერდიდან, შიგ თავში მოარტყეს ნაბიჭვრებმა, მოვიხადე ეს შენი ქუდი და დაფლეთილ თავზე დავაფარე, თორემ უქუდოდ როგორ დავბრუნდებოდი ?! - მიყვებოდა და ასე პასუხობდა ჩემს შემომწყრალ მზერას ომიდან დაბრუნებული მამაჩემი. დღესაც ვერ ჰყვება ამ ამბავს უცრემლოდ. გუშინ დედამ თქვა : 5 ოქტომბერს დაბრუნდაო მამა, სოხუმი დაეცა და ბრძოლას აზრი არ ჰქონდაო. დაბრუნება მეც მახსოვს. იდგა კარის ზღრუბლზე გალუმპული, დაპატარებული და როდის- როდის მომიწია რიგმა - ჩავხუტებოდი. წვიმდა მაშინაც, ასე ნება- ნება და უდარდელად, როგორც ახლა !
კომენტარები |
ილუსტრაციები |
რეცენზიები |
|
10. ნათია ჯაფარიძე, მანანა კაკაჩია, მადლობა <3 ნათია ჯაფარიძე, მანანა კაკაჩია, მადლობა <3
9. გულში ჩამწვდომად წერთ. გულში ჩამწვდომად წერთ.
8. მეც მივყვები ნელ-ნელა თქვენს ნაწერებს. ძალიან ემოციურია ყველა მეც მივყვები ნელ-ნელა თქვენს ნაწერებს. ძალიან ემოციურია ყველა
7. თავიდან ბოლმდე აფხაზეთის ომზეა ეს პატარ ნაწერი ოთარ და რაბოლო ნაწილზე ამბობ? არი ნაწერები რომ ერტყობა რომ დაწერილმა ყოველმა სიტყვამ ტვინმადე გული გაიარა , აქაც ასეა. დანარჩებზეც იგივეს ვიტყვი რაც აქ გიდევს , შეფასებიტ ყველა შევაფასე , კომენტარი კი სამივესი აქ დავდე , ძალიან კაგები იყო.ბევრი წარმატებები გქონოდეს, სევდა მცირედი. თავიდან ბოლმდე აფხაზეთის ომზეა ეს პატარ ნაწერი ოთარ და რაბოლო ნაწილზე ამბობ? არი ნაწერები რომ ერტყობა რომ დაწერილმა ყოველმა სიტყვამ ტვინმადე გული გაიარა , აქაც ასეა. დანარჩებზეც იგივეს ვიტყვი რაც აქ გიდევს , შეფასებიტ ყველა შევაფასე , კომენტარი კი სამივესი აქ დავდე , ძალიან კაგები იყო.ბევრი წარმატებები გქონოდეს, სევდა მცირედი.
6. ტამიშთან ბრძოლა ეს მოურჩენელი ტკივილია. ტამიშთან ბრძოლა ეს მოურჩენელი ტკივილია.
5. ქეთევანი სოფელი იყო, რომელიც კარგად ჩანდა კოჩარიდან... ქეთევანი სოფელი იყო, რომელიც კარგად ჩანდა კოჩარიდან...
4. ქეთევანი ვინ იყო, ვერ გავიგე? ქეთევანი ვინ იყო, ვერ გავიგე?
3. დიდი ქართული სევდა დიდი ქართული სევდა
2. დოკუმენტური ფილმის კადრებივით იყო. ემოციური.
"უკვე ცეცხლი ეკიდა ქეთევანს "- ეს ვერ გავიგე.
დოკუმენტური ფილმის კადრებივით იყო. ემოციური.
"უკვე ცეცხლი ეკიდა ქეთევანს "- ეს ვერ გავიგე.
1. ემოციურია, განსაკუთრებით ბოლო ნაწილი, აფხაზეთის ომზე. ემოციურია, განსაკუთრებით ბოლო ნაწილი, აფხაზეთის ომზე.
|
|
მონაცემები არ არის |
|
|