თუ გინდ წყევლა შემიბრუნდეს ასმაგად,
ეშმაკს -სული, სიკვდილს ცული, ახია!
ბეთანიას არ წახვიდე, ტბასთან გადი,
მზე რომ ჩავა სამჯერ თქვი სახელი.

მარჩიელობ.
მარჩიელო, სიზმრებს გეტყვი:
გზები იყო. გაუვალი, ათასი.
ქარიშხლები,
წვიმები, სეტყვა.
მერე უცებ დავიხოცეთ სად და სად.
.
- რას ხედავ? მითხარი!
- გზებია, მხედარო.
- საითკენ? მითხარი!
- ოთხივე მხარეში,
"ხეთა რიგს, ხეთა ჯარს..." ვხედავო,
"ქარი ქრის, ქარი ქრის" - თარეშობს.

მარილი დაყარე, მისხალი.
სანამდე სიზმრები დამღლიან,
მთებს იქით პატარა სახლია,
ვისია, ვინ ცხოვრობს, მითხარი!