ძეგვში ძია მერაბასთან ვცხოვრობდით, საოცრად თბილ ოჯახში. სასწაული ხალხი იყვნენ, თვითონაც ხომ უჭირდათ და ლუკმას გვიყოფდნენ. მერე ძია ემზართან. ვერც კი დავითვლი, ერთ პატარა სახლში რამდენნი ვიყავით. ჯერ ბავშვებს გვაჭმევდნენ და თუ რამე მოგვრჩებოდა, თვითონაც წაილუკმებოდნენ. მერე მამაც დაბრუნდა ომიდან და " მუნი " გამოიტანა. გაგიგიათ ალბათ ეს დაავადება. აკვანში იწვა ჩემი ძმა და გეფიცებით, ფრჩხილები დააძრო პატარას. - ომს დასასრული არ უჩანსო მამამ, სხვის სახლში როდემდეო და მასწავლებელთა სახლში შევსახლდით. გემახსოვრებათ, რა მკაცრი ზამთარი იყო ომის პირველ და მომდევნო წლებშიც, პირველი განსაკუთრებით მაინც. ღუმელი გვაჩუქა ვიღაცამ და მილები არ გვეყო, რომ სახურავს ასცდენოდა , ე. წ. ჩერდახში გაიჩხირა. ათასში ერთხელ ავანთებდით და იწყებდა მამა ფორიაქს : - ცეცხლი არ გავაჩინო, ე შობელძაღლიო... სამი დღე უტრიალა ეზოში მდგარ ერთადერთ თუთის ხეს , ძლივს გადაწყვიტა მოეჭრა და მეზობელთან გამგზავნა ცულზე. აქაური ღობეები და ჭიშკრები მაოცებდა ყველაზე მეტად, ჩიტი ვერ გადაუფრენდა, სულ ვფიქრობდი, ასე რას მალავენ ან ვის ემალებიან მეთქი. კარგა ხანს ვიძახე და როგორც იქნა გამოვიდა. გამოვიდა და... ისეთი სითბო გამოყვა ოთახიდან, ახლოს მივეძგუნტე, ცოტაც და ჩავეხუტებოდი, მგონია. - მამამ ცული გთხოვათ მეთქი. - სად არიო , ცული და კარგი ცხოვრება, ნამდვილად არა მაქვსო. არ ვიცი რატომ, მაგრამ კისერი წავიგრძელე და ეზოში გადავიჭყიტე. აქვს ცული, ღმერთო ჩემო, აქვს !!!! ვხედავ, აგერ კუნძში ჩარჭობილს ... იმ დღეს გაცუდდა ჩემი ბავშვური წარმოდგენა ადამიანთა სიკარგეზე. თუმცა საღამოსვე გადავიფიქრე - გაყინულ ღუმელს ვესხედით და ვიღაცამ დაიძახა. პარკით დაბრუნდა მამა ,ხორცი მოგვიკითხაო თანასოფლელმა. ხორცის მოხარშვა კიდევ ერთი თავსატეხი იყო მშობლებისთვის. " რა კარგები.არიან მეთქი ადამინები" - მაშინვე გავიფიქრე. ოჰ, როგორ ბარდნიდა იმ წელს. კარგა ხანს ათოვდა მამას მოჭრილ თუთის ხეს და კარგა ხანს იტირა ხემაც, ღმერთმანი ...
კომენტარები |
ილუსტრაციები |
რეცენზიები |
|
15. ჰარირამა, დინა მქვია, დიდი მადლობა... )) ჰარირამა, დინა მქვია, დიდი მადლობა... ))
14. კარგად წერ მირცხულავა(სახელი არ ვიცი და ამიტომ ასე მოგმარტავტ), პატარ ტექსტებით ბევრი რამის ტქმა ახერხებტ კარგად წერ მირცხულავა(სახელი არ ვიცი და ამიტომ ასე მოგმარტავტ), პატარ ტექსტებით ბევრი რამის ტქმა ახერხებტ
13. მეუდაბნოვე, მადლობა <3 მეუდაბნოვე, მადლობა <3
12. ნექტარი, კანონზომიერებაა უდავოდ ნექტარი, კანონზომიერებაა უდავოდ
11. სამწუხარო რეალობა და დაუვიწყარი, მოურჩენელი ტკივილი. .ცუდები, რომ არ იყვნენ კარგების ახლოს სიკარგეს და სიკეთის ფასს ვერ გავიგებდით, ვერ ვიგრძნობდით.ალბათ კანონზომიერია ესეც, რას ვიზამთ. სამწუხარო რეალობა და დაუვიწყარი, მოურჩენელი ტკივილი. .ცუდები, რომ არ იყვნენ კარგების ახლოს სიკარგეს და სიკეთის ფასს ვერ გავიგებდით, ვერ ვიგრძნობდით.ალბათ კანონზომიერია ესეც, რას ვიზამთ.
10. გულწრფელია და კარგი. გულწრფელია და კარგი.
9. ელადა, ჩემო კარგო ჩემს დედიკოს ელადა ჰქვია... დიდი მადლობა შენ.. ელადა, ჩემო კარგო ჩემს დედიკოს ელადა ჰქვია... დიდი მადლობა შენ..
8. მუხა, მანანა კაკაჩია, მარი მემანიშვილი მადლობა, ამავსეთ <3 მუხა, მანანა კაკაჩია, მარი მემანიშვილი მადლობა, ამავსეთ <3
7. ჯონათან, აბსოლუტურად გეთანხმები, ეს ზოგადი ტკივილია, უბრალოდ მე ჩემი თვალით დანახულს ვწერ და სულ ესაა ჯონათან, აბსოლუტურად გეთანხმები, ეს ზოგადი ტკივილია, უბრალოდ მე ჩემი თვალით დანახულს ვწერ და სულ ესაა
6. ლხინში ყველა კარგებია, ის არის კეთილი და კარგი ვინც გაჭივრებაში დაეხმარება ადამიანს. ვეთანხმები მამანა კაკაჩიას. ლხინში ყველა კარგებია, ის არის კეთილი და კარგი ვინც გაჭივრებაში დაეხმარება ადამიანს. ვეთანხმები მამანა კაკაჩიას.
5. პატარა და ბევრის მთქმელი. და მაინც, უფრო მეტი კარგი ადამიანია დასახლებული აქაც და ჩვენს გარშემოც, ოღონდ უნდა დაინახო... პატარა და ბევრის მთქმელი. და მაინც, უფრო მეტი კარგი ადამიანია დასახლებული აქაც და ჩვენს გარშემოც, ოღონდ უნდა დაინახო...
4. მძიმე წლების და მძიმე ცხოვრების გულწრფელი "აღიარება"
ძნელია როცა ადამიანები იმედს გაგიცრუებენ და პირიქით კი რამხელა სიხარულის მომტანია
ჰო, ადამიანები ბევრნაირები არიან სამწუხაროა რომ მხოლოდ კარგები არ არიან მძიმე წლების და მძიმე ცხოვრების გულწრფელი "აღიარება"
ძნელია როცა ადამიანები იმედს გაგიცრუებენ და პირიქით კი რამხელა სიხარულის მომტანია
ჰო, ადამიანები ბევრნაირები არიან სამწუხაროა რომ მხოლოდ კარგები არ არიან
2. ....ისეთი სითბო გამოყვა ოთახიდან, ახლოს მივეძგუნტე.....
როგორ მიყვარს ეს სიტყვა:) ერთი მეხუთეკლასელი მეძგუნტება ყოველ დილით, რომ იცოდეთ რათბილია. რაშუაშია ახლა, მაგრამ მაინც... ....ისეთი სითბო გამოყვა ოთახიდან, ახლოს მივეძგუნტე.....
როგორ მიყვარს ეს სიტყვა:) ერთი მეხუთეკლასელი მეძგუნტება ყოველ დილით, რომ იცოდეთ რათბილია. რაშუაშია ახლა, მაგრამ მაინც...
1. "რაც ერთხელ ცხოვლად სულს დააჩნდების..."
ეს არაა მხოლოდ თქვენი ცხოვრების ფრაგმენტები და ამიტომაც საინტერესოდ იკითხება.
"რაც ერთხელ ცხოვლად სულს დააჩნდების..."
ეს არაა მხოლოდ თქვენი ცხოვრების ფრაგმენტები და ამიტომაც საინტერესოდ იკითხება.
|
|
მონაცემები არ არის |
|
|