მთავარი გვერდი
პორტალის შესახებ
რეგისტრაცია
ნაწარმოებები
კომენტარები
რეცენზიები
დღიურები
წევრები
ლიტ-მოვლენა
ილუსტრაცია
მოგვწერეთ
ძებნა
ფორუმი
გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ტ ა ტ ო
ჟანრი: პოეზია
24 იანვარი, 2016

ნ ა თ ლ ი ს ღ ე ბ ა

ისევ საზღვარზე ვარ უძილობის,
საცაა წვიმა წასკდება თბილისს;
წესი ყოფილა მამაშვილობის
სიზმრების მცველი, რომ ვიყო შვილის.

ღამის სიჩუმეს არღვევს აკორდის
ჟღერა, რომელსაც ქარი ასრულებს.
სისხლი გახეთქვას ცდილობს აორტის,
როდესაც გხედავთ სიზმრად წასულებს.

დარჩენილი ვარ ოთახში მარტო
გიცქერთ მძინარეს დედას და ორ დას;
არეულია ამინდი მარტობს,
ქარი კი უკრავს, უკრავს და ბოდავს,

რომ ნათლისღების დღე თარიღდება,
მამლის ყივილს კი სდევს ირონია.
ზეცის სარკმელი ნელა იღება,
ეშვება ნამი - ეს მირონია,

რომელიც ღმერთმა წაუსვა მიწას,
ჩვენში ცოდვები რომ განეწმინდა.
მთელ საქართველოს ფარავს და იცავს
უფალი ღმერთი და ყოვლადწმინდა.
კომენტარები ილუსტრაციები რეცენზიები