ნაწარმოებები


ლიტ. კონკურსი - - “რჩეულის-რჩეული“     * * *     დაწვრილებით ლიტ-მოვლენაში

ავტორი: მანანა კაკაჩია
ჟანრი: იუმორისტული
8 მარტი, 2016


ქალებო, და მაინც...

ღმერთმა რატომღაც დაჩაგრა ქალი,
კაცს მიანიჭა თავისუფლება,
ზოგ რამეს უნდა ეკრძალვოს ქალი,
კაცს გააჩნია ბევრის უფლება.
კაცს უტიფრობაც ეპატიება,
ქალი არ უნდა იყოს თამამი,
კაცს შეუძლია დროც რომ გაფლანგოს,
ქალმა კი უნდა გათვალოს წამიც.
ოჯახში სითბო თუ სიმყუდროვე
შეინარჩუნოს, ქალის ვალია,
კაცი ოჯახის გარეთ ერთობა?
მერე რა მოხდა? ის ხომ კაცია.
ქალმა დალია? ო, რა მომხდარა!
კაცი თუ გინდა ყოველ დღე სვამდეს,
ქალის ანჩხლობა უცებ ითქმება,
შეიძლება, რომ კაცის არც ჩანდეს.
კაცს რამე ტკივა? უნდა ეფერო,
ქალი? აიტანს თურმე გასაჭირს,
ქალის ფუსფუსუსი თვეობით, არ ჩანს,
კაცი ერთ დღეშიც იქმსო გასაკვირს.
ღალატისათვის ქალს - ანათემა,
კაცს - პატიება, მოვაო გონზე.
ანგელოზია თითქმის ყოველი
ქალი, ოხერი კაცების ფონზე.
მაგრამ რადგანაც ქალი ფასდება
მაინც კაცების თვალით და გულით,
ამიტომ ქალებს არ მოგვკლებოდეს
არჩევა კაცთგან და სიყვარული.

კომენტარები ილუსტრაციები რეცენზიები