ნაწარმოებები


ლიტერატურული კონკურსი “ლილე 2021“     * * *     დაწვრილებით ფორუმზე https://urakparaki.com/?m=13&Theme=1546     * * *     "რევაზ ინანიშვილის სახელობის ლიტერატურული კონკურსი"     * * *     დაწვრილებით ფორუმზე https://urakparaki.com/?m=13&Theme=1545

ავტორი: ლუტეცია
ჟანრი: პოეზია
5 აპრილი, 2016


სახელები

თავიდან იყო სახელები
და შესაბამისად გვარები,
მერე კი იყო მათი სიტყვები...

იყო სიტყვები - არაფრისმთქმელი,
იყო სიტყვები - ღრმაც,
იყო სიტყვები  - ეპატაჟური,
იყო სიტყვები - მრავლისმთქმელი,
იყო სიტყვები - გაცვეთილი,
იყო სიტყვები - განსხვავებული,
იყო სიტყვები - ცენზურა,
იყო სიტყვები - მხოლოდ სიტყვებისთვის...

და იყვნენ ადამიანები,
რომლებსაც აღაფრთოვანებდა
სახელების და გვარების მიერ
წარმოთქმული ყოველი სიტყვა,
მიუხედავად მათი შინაარსისა.

ბოლოს კი - იყო სახელები და გვარები
ახლო ხედით,
მათ უკან დიდი სიცარიელე
და  მცირე ადამიანობა...
და იყო შეცნობა იმისა,
რომ არსებობენ ადამიანები -
მხოლოდ სახელები და გვარები.

კომენტარები ილუსტრაციები რეცენზიები