ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: პაპუნა ფირცხალაიშვილი
ჟანრი: პოეზია
24 აპრილი, 2016


გენეტიკურ მოტივებზე

ადამიანებს სულ ყველა მათგანს
ვაკვირდებოდი ვინ რომელია.
მიკვირდა ყველა ორგულის,
რადგან
ერთი გულისთვის ვერ მომივლია.

ვერ მომივლია ერთი გულისთვის,
ერთგულებაში ბადალს ვეძებდი,
და არ ვყოფილვარ არსად ტურისტი,
ვიცოდი ჩემი მიწის რეცეპტი.

მუდამ პირველი გრძნობისა მწამდა,
პირველი ცეცხლის,
იმ სხვა იმედის,
მიწა მიცავდა,
დამიცვა ცამ და
არ დავხვედრილვარ მტერს ვაიმეთი...

ახლა მემგონი გასაგებია
თუ რატომ მიყვარს სამშობლო მწვანით,
დევი არ გვყავდა,
ნაცარქექია
ნაცარს უყრიდან ხეხილს და მწვანილს.

მწამდა ძმების და თვალს ცრემლი მადგა,
სიხარულის და ამაყი ცრემლი,
მიკვირდა ყველა ორგულის,
რადგან
ერთი გულიც კი მტანჯავდა ჩემი.

კომენტარები ილუსტრაციები რეცენზიები