ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: პაპუნა ფირცხალაიშვილი
ჟანრი: პოეზია
1 მაისი, 2016


ლადოს მოტივზე

"რა კარგი იყო ბარდნალა"
ლადო ასათიანი
* * *
როგორი გულის დასაწყვეტია,
რომ იცვლებიან მისამართები,
უშნოდ აყვები გზას ან ხეტიალს
და სხვა მიწაში მისამარდები.

და გვავიწყდება ჩვენი სახლობა,
ფუძე და კერა,
ლექსი პირველი,
და მიწა თითქოს მიწამ ჩაყლაპა
და უკან გვჩება რასაც წინ ველით.

რა კარგი იყო...
იტყვის პოეტი...
ჩემი სოფელი,
მისი ამბები,
მთით მოძახილი ჰეეეეიიიი,
-ოეთი
პასუხი,
ხალხი ამის გამგები.

რა კარგი იყო... რა საოცარი..
კაცს მთა სჭირდება, მთას კი მგოსანი

მაინც.
აყვები გზას ან ხეტიალს
და სხვა მიწაში მისამარდები,
როგორი გულის დასაწყვეტია,
რომ იცვლებიან მისამართები.

კომენტარები ილუსტრაციები რეცენზიები