ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ჰ ა ნ ა
ჟანრი: პოეზია
9 ივლისი, 2016


町屋/町家

სახლს ვაშენებდით, მაჩიას ჰგავდა,
იყო პატარა, ხის...
არ სჭირდებოდა  საღებავები,
არ ჰქონდა ტიხრები და
ჩვენი ფინჯნები
ხის იატაკზე გვეწყო მუხლებთან...
თვალს ვარიდებდით
უზარმაზარ სახლებს ფანჯრიდან
და ვერ ვამჩნევდით გარშემო როგორ
იზრდებოდნენ სოკოებივით,
(მაჩია იყო ჩვენი მყუდრო თავშესაფარი...)
სანამ ერთ დღესაც,
შენი ფინჯანი არ შემოდგი დიდ მაგიდაზე
უზარმაზარი კედლების შიგნით...

ჩემი ფინჯანი ისევ ცხოვრობს ხის იატაკზე,
ჩემი მუხლებიც...
მაჩიას ჰგავს დღესაც ეს სახლი...






* * * მაჩია  (町屋/町家)  - ძველებური, მყუდრო პატარა სახლები იაპონიაში, რომელსაც თავშესაფრებსაც უწოდებენ/

კომენტარები ილუსტრაციები რეცენზიები