ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: პაპუნა ფირცხალაიშვილი
ჟანრი: პოეზია
13 სექტემბერი, 2016


* * *

დღეს ჩემი სიყვარული მყოფნის,
ხვალ შენი სიყვარული მჭირდება,
დღეს მინდა ერთგულება მშობლის,
რომ ვეღარ შემიტყუონ სპირტებმა.

დღეს მინდა რწმენა მქონდეს ხვალის,
მზე - თეთრი ლოყები რომ უდნება,
შენ იყო - სულ არავის ქალი
მეც ვიყო - და შენი საკუთრება.

ცა მინდა ღმერთით იყოს სავსე,
გზა მინდა, ღია მინდა კარები,
თმა მინდა ჭაღარა და თავზე,
და გული ნაღდი, წრფელი, არიფი.

დღეს ჩემი სიყვარული მყოფნის,
ხვალ შენი სიყვარული მჭირდება,
დღეს მინდა ერთგულება მშობლის,
რომ ცეღარ შემიტყუონ სპირტებმა.

კომენტარები ილუსტრაციები რეცენზიები