| ავტორი: კობა_ბ ჟანრი: პროზა 7 ივნისი, 2017 |
თეთრი კრავი მყავდა, ოცნებაზე უფრო თეთრი და სულ ჩემს ღმერთს ჰგავდა ის პატარა კრავი. ამიტომ მომინდა? - იმ ღმერთისთვის მეჩუქებინა და ხელში აყვანილი მივიყვანე ჩემს ეკლესიაში, ჩემს მოძღვართან შუა მთაში, რომელიც ხანდახან, რაღაცით, დევების კარს ჰგავდა, მაგრამ როგორც კი სამრეკლოზე ზარებს გაზარავდათ ტანში, მაშინვე დევის კარი პატარავდებოდა და ქრისტეს ხატის გვირგვინის ეკლებში ქრებოდა. მომეგება მოძღვარი და ახლა მისი შუბლი კიდევ უფრო ჰგავდა ზეცას. სპეტაკი სახე აქვს ჩემს მოძღვარს და სასოწარკვეთის იმედის ღამესავით ნათელი შავი წვერი, არც ღიმილი და არც მწუხარება რომ არ ატანს მის სიხშირეში. სამჯერ დააწვეთა სანთლის ნაღვენთი მოძღვარმა ჩემს კრავს შუბლზე. დაეხალა ქათქათა თეთრი. ღმერთი მეჭირა ხელში. მითხრა დამესვა. ბზის ბუჩქთან დავსვი. წამოსვლისას, მთელი გზობა, ყველა მთის კიდე, ბილიკის ზოლი, ზეციერის თვალსაწიერიც შეთქმულთა ლოცვასავით მიმეორებდნენ - "ნეტარ არიან ნეტარ"... მერე რატომღაც ვიფიქრე, რომ შუბლზე უნდა მეკოცნა წამოსვლისას ჩემი კრავისთვის და უკანგზობა უფრო მალე ავირბინე ვიდრე ჩამოვაკება. მზე შუბის ტარზე აღარ იდგა, ცარიელი დამიხვდა ბზის ბუჩქიც, მიტოვებული, უჩემთეთრკრავოდ. გული ამომივადრა, დაღლისგან ალბათ, მაგრამ ეკლესიას მაინც შემოვურბინე. თეთრ ლაქად ვეძებდი მწვანეში ჩამღრჩვალს. ვერაფრით ვიპოვე ჩემი თეთრი კრავი. მხეცივით ავიკარი ყნოსვით ცეცხლის სუნი ტყის უბიდან და თავი ჩავრგე ეკლესიის კედელზე მოყრდნობილი ტყის ზურგში. ავაფათურე ხელები და მზერა და მალევე ვიპოვე რასაც ვეძებდი: ზურგით იჯდა ტაბლასთან ჩემი მოძღვარი. ორი უწვერო კაცი სახით, და სახეში შემომაშტერდნენ. ზუსტად იმ დროს შემომიბრუნდა მოძღვარიც როცა ხის წვრილ ტოტზე გადადებული ჩემი კრავის თეთრი ტყავის სისხლისგან შეწითლებული ბოლო რომელიღაცა ჯიშის უჯიშო ფრინველმა დაანისკარტა და სულ ოდნავად შეარხია ომწანაგები, სისხლიანი ბაირაღივით... ცხვირში ვიგრძენი ცეცხლიანი იმ ქონის სუნი, ჩემს მოძღვარს რომ ტუჩებიდან ჰქონდა წვერზე გადმოპოხილი. ჩემმა მოძღვარმა ჩემი ღმერთი შეჭამა. მეძახდნენ: ხელით, სიტყვით, თვალებით, ყველა ჟესტით ტაბლასთან, მაგრამ შევძელი და გამოვიქეცი. ტყიდან გამომხტარს დამეჯახა ეკლესიის აქვადსვეტება. ხელში ავიღე ეკლესია და ორ ლუკმად შევჭამე, გუმბათიდან კარის ძირამდე და დარჩა ნატაძრალზე უსახელო დევის კარი, დროის ლეგენდების ჟანგით გაჭედილ საგდულებზე მოჭრიალე... მეორე თავქვეგზობას აღარავინ არაფერს მეძახდა... მე გეძახდი მხოლოდ... წითელთმიანო ჭინკა, ჩქარა გადმოდი გოგოობის წიგნიდან და შიშველი დაწექი განთიადის ნამიან ლეშში, რომ მიწის თესლში ამოილუმპო და დაორსულდე და ამოიყვანე მიწიდან მიწის ღმერთი, თორემ ცის ღმერთი მე და ჩემმა მოძღვარმა შევჭამეთ ნახევარ-ნახევარი და ახლა უღმერთობა გვცივა სამყაროს. წითელთმიანო ჭინკა, დაორსულდი და მიწის ღმერთი დამიბადე შენი გოგოობიდან, თორემ ყველანი გადავშენდებით და ჩვენი თეთრი ძვლებიც თეთრად დარჩება ქარში ცის ღმერთის ტოტზე დაკიდებული თეთრი ტყავივით.
კომენტარები |
ილუსტრაციები |
რეცენზიები |
|
15. ,,წითელთმიანო ჭინკა, ჩქარა გადმოდი გოგოობის წიგნიდან და შიშველი დაწექი განთიადის ნამიან ლეშში, რომ მიწის თესლში ამოილუმპო და დაორსულდე და ამოიყვანე მიწიდან მიწის ღმერთი, თორემ ცის ღმერთი მე და ჩემმა მოძღვარმა შევჭამეთ ნახევარ-ნახევარი და ახლა უღმერთობა გვცივა სამყაროს.''-რამდენჯერმე წავიკითხე ეს ბოლო აბზაცი... თითქოს შემამცივნა და შემაჟრიალა...ცოტა შემეშინდა კიდეც...,,ცის ღმერთი მე და ჩემმა მოძღვარმა შევჭამეთ''---საოცარი მეტაფორაა, თუ რა დავარქვა ისიც არ ვიცი.... უცნაურად და განსხვავებულად წერთ, კობა! წარმატებები. ,,წითელთმიანო ჭინკა, ჩქარა გადმოდი გოგოობის წიგნიდან და შიშველი დაწექი განთიადის ნამიან ლეშში, რომ მიწის თესლში ამოილუმპო და დაორსულდე და ამოიყვანე მიწიდან მიწის ღმერთი, თორემ ცის ღმერთი მე და ჩემმა მოძღვარმა შევჭამეთ ნახევარ-ნახევარი და ახლა უღმერთობა გვცივა სამყაროს.``-რამდენჯერმე წავიკითხე ეს ბოლო აბზაცი... თითქოს შემამცივნა და შემაჟრიალა...ცოტა შემეშინდა კიდეც...,,ცის ღმერთი მე და ჩემმა მოძღვარმა შევჭამეთ``---საოცარი მეტაფორაა, თუ რა დავარქვა ისიც არ ვიცი.... უცნაურად და განსხვავებულად წერთ, კობა! წარმატებები.
14. შედარებით უკეთესი ნამუშევარია, მორალიც სუსტად, მაგრამ მაინც იკვეთება.
თუმცა აქაც, ისე როგორც შემდეგ ნაწერებში მთავარი პრობლემა არის გადაპრანჭული წერის მანერა და წინადადებების დამძიმება. ვფიქრობ ეს აბსოლუტურად ზედმეტია.
საერთო ჯამში მომეწონა და წახალისების მიზნით დავწერ 4+
"მერე რატომღაც ვიფიქრე, რომ შუბლზე უნდა მეკოცნა წამოსვლისას ჩემი კრავისთვის და უკანგზობა უფრო მალე ავირბინე ვიდრე ჩამოვაკება. მზე შუბის ტარზე აღარ იდგა, ცარიელი დამიხვდა ბზის ბუჩქიც, მიტოვებული, უჩემთეთრკრავოდ. გული ამომივადრა, დაღლისგან ალბათ, მაგრამ ეკლესიას მაინც შემოვურბინე. თეთრ ლაქად ვეძებდი მწვანეში ჩამღრჩვალს. ვერაფრით ვიპოვე ჩემი თეთრი კრავი."
ეს ლამაზი მომენტია ძალიან და გადასვლა მომწონს მერე, იმ მონაკვეთამდე მოძღვარს ცხიმი რომ ეღვრება წვერზე, დიდ ემოციას იწვევს, მაგრამ ძაან გაჭიანურებული გადასვლაა. შედარებით უკეთესი ნამუშევარია, მორალიც სუსტად, მაგრამ მაინც იკვეთება.
თუმცა აქაც, ისე როგორც შემდეგ ნაწერებში მთავარი პრობლემა არის გადაპრანჭული წერის მანერა და წინადადებების დამძიმება. ვფიქრობ ეს აბსოლუტურად ზედმეტია.
საერთო ჯამში მომეწონა და წახალისების მიზნით დავწერ 4+
"მერე რატომღაც ვიფიქრე, რომ შუბლზე უნდა მეკოცნა წამოსვლისას ჩემი კრავისთვის და უკანგზობა უფრო მალე ავირბინე ვიდრე ჩამოვაკება. მზე შუბის ტარზე აღარ იდგა, ცარიელი დამიხვდა ბზის ბუჩქიც, მიტოვებული, უჩემთეთრკრავოდ. გული ამომივადრა, დაღლისგან ალბათ, მაგრამ ეკლესიას მაინც შემოვურბინე. თეთრ ლაქად ვეძებდი მწვანეში ჩამღრჩვალს. ვერაფრით ვიპოვე ჩემი თეთრი კრავი."
ეს ლამაზი მომენტია ძალიან და გადასვლა მომწონს მერე, იმ მონაკვეთამდე მოძღვარს ცხიმი რომ ეღვრება წვერზე, დიდ ემოციას იწვევს, მაგრამ ძაან გაჭიანურებული გადასვლაა.
13. ყოველი მომდევნო მოქმედებით შეივსო ნახატი,:) ძალიან საინტერესოდ. წარმატებები კობა. ყოველი მომდევნო მოქმედებით შეივსო ნახატი,:) ძალიან საინტერესოდ. წარმატებები კობა.
12. უღრმესი მადლობა კომენტარებისთვის... უღრმესი მადლობა კომენტარებისთვის...
11. ძალიან კარგია, ძალიან. ძალიან კარგია, ძალიან.
10. მაღალფარდოვანი ფრაზები ცოტა მოსაწყენს ხდის ტექსტს ჩემთვის... სხვანაირ ფინალს , შეიძლებოდა , უკეთ წარმოეჩინა სათქმელი...
ვნახავ სხვებსაც...:-*
მაღალფარდოვანი ფრაზები ცოტა მოსაწყენს ხდის ტექსტს ჩემთვის... სხვანაირ ფინალს , შეიძლებოდა , უკეთ წარმოეჩინა სათქმელი...
ვნახავ სხვებსაც...:-*
9. ისეთია,რომ ვერ ამოვისუნთქე! ისეთია,რომ ვერ ამოვისუნთქე!
8. მადლობ ფლორენცია :)) მადლობ ფლორენცია :))
7. საინტერესო ნაწერია. ბოლო აბზაცს, ფინალად, სულ სხვაგვარს მოველოდი და ვფიქრობ, ესეც ავტორის ხელოვნების მანიშნებელია როცა მოულოდნელ პასაჟს ასრულებს. ჩემთვის მაგალითად სასურველი ფინალი იქნებოდა იმ მოძღვრისთვის გაეპარსა ის დადუდღნული წვერი და მაგრად მიებეგვა დანარჩენი_ ასე უფრო მოვიფხანდი გულს :) + საინტერესო ნაწერია. ბოლო აბზაცს, ფინალად, სულ სხვაგვარს მოველოდი და ვფიქრობ, ესეც ავტორის ხელოვნების მანიშნებელია როცა მოულოდნელ პასაჟს ასრულებს. ჩემთვის მაგალითად სასურველი ფინალი იქნებოდა იმ მოძღვრისთვის გაეპარსა ის დადუდღნული წვერი და მაგრად მიებეგვა დანარჩენი_ ასე უფრო მოვიფხანდი გულს :) +
6. დიდ მადლობა ნეფერტარი ასეთი საფუძვლიანი შეფასებისთვის, რადგან, ვერ წარმოიდგენთ, როგორ მჭირდება კომპენტენტური შეფასებები.
რა შემიძლია გითხრათ... კარგად ვერ ვერკვევი ამ ტერმინოლოგიებში, გრამატიკულადაც შეიძლება არ იყოს კარგად გამართული, უბრალოდ, ზუსტად ის მოვყევი, რასაც ვგრძნობდი და განვიცადე. მერწმუნე, გაუზარავთ ტანში სამრეკლოს ზარებს და სასოწარკვეთის იმედის ღამეც დამღამებია, შუა მთა კი შუამთა არაა, ორი მთის შუა ადგილს აღნიშნავს ზოგადად და არა შუამთის სამონასტრო კომპლექსს და ჰო, გადავიწერე უბრალოდ მხოლოდ საკუთარი გული თუ რაც ქვია ამას და სულ ეს იყო...
კიდევ ერთხელ გმადლობ ყურადღებისთვის დიდ მადლობა ნეფერტარი ასეთი საფუძვლიანი შეფასებისთვის, რადგან, ვერ წარმოიდგენთ, როგორ მჭირდება კომპენტენტური შეფასებები.
რა შემიძლია გითხრათ... კარგად ვერ ვერკვევი ამ ტერმინოლოგიებში, გრამატიკულადაც შეიძლება არ იყოს კარგად გამართული, უბრალოდ, ზუსტად ის მოვყევი, რასაც ვგრძნობდი და განვიცადე. მერწმუნე, გაუზარავთ ტანში სამრეკლოს ზარებს და სასოწარკვეთის იმედის ღამეც დამღამებია, შუა მთა კი შუამთა არაა, ორი მთის შუა ადგილს აღნიშნავს ზოგადად და არა შუამთის სამონასტრო კომპლექსს და ჰო, გადავიწერე უბრალოდ მხოლოდ საკუთარი გული თუ რაც ქვია ამას და სულ ეს იყო...
კიდევ ერთხელ გმადლობ ყურადღებისთვის
5. ზედმეტად მანებივრებ მარი_ბი, გმადლობ. ზედმეტად მანებივრებ მარი_ბი, გმადლობ.
4. ჩემს მოძღვართან შუა მთაში, რომელიც ხანდახან, რაღაცით, დევების კარს ჰგავდა, მაგრამ როგორც კი სამრეკლოზე ზარებს გაზარავდათ ტანში, >> ვფიქრობ, ეს წინადადება გასამართია. მოძღვარი ჰგავდა დევების კარს თუ შუამთა? თუ ტაძარი? ეს უნდა დააზუსტოთ. "გაზარავდათ" ვერ გავიგე. ეგ წინადადებაც გასამართია ჩემი სუბიექტური აზრით.
სასოწარკვეთის იმედის ღამესავით ნათელი შავი წვერი,>> ვფიქრობ არასწორი მეტაფორაა. ღამე ბნელთან ასოცირდება, სასოწარკვეთის იმედი???
ანუ, წერა შეგიძლია ძალიან კარგად, მეტიც შესანიშნავად, მაგრამ ზედმეტად ნუ გადაყვები მეტაფორებს, უბრალოდ ამბავი მოყევი ისე, რომ დავინახო. მოულოდნელი ფინალი ცუდი არ არის, მაგრამ მთავარ არსთან უნდა იყოს კავშირში. ახლა ეს კავშირი დარღვეულია.
ავანსად ვტოვებ 4 ქულას უკეთესის მოლოდინში.
წარმატებები ავტორო. ჩემს მოძღვართან შუა მთაში, რომელიც ხანდახან, რაღაცით, დევების კარს ჰგავდა, მაგრამ როგორც კი სამრეკლოზე ზარებს გაზარავდათ ტანში, >> ვფიქრობ, ეს წინადადება გასამართია. მოძღვარი ჰგავდა დევების კარს თუ შუამთა? თუ ტაძარი? ეს უნდა დააზუსტოთ. "გაზარავდათ" ვერ გავიგე. ეგ წინადადებაც გასამართია ჩემი სუბიექტური აზრით.
სასოწარკვეთის იმედის ღამესავით ნათელი შავი წვერი,>> ვფიქრობ არასწორი მეტაფორაა. ღამე ბნელთან ასოცირდება, სასოწარკვეთის იმედი???
ანუ, წერა შეგიძლია ძალიან კარგად, მეტიც შესანიშნავად, მაგრამ ზედმეტად ნუ გადაყვები მეტაფორებს, უბრალოდ ამბავი მოყევი ისე, რომ დავინახო. მოულოდნელი ფინალი ცუდი არ არის, მაგრამ მთავარ არსთან უნდა იყოს კავშირში. ახლა ეს კავშირი დარღვეულია.
ავანსად ვტოვებ 4 ქულას უკეთესის მოლოდინში.
წარმატებები ავტორო.
3. ჩემთვის ერთ–ერთი უძლიერესი ნაწერია ურაკზე რაც კი წამიკითხავს...ყოჩაღ კობა_ბ. ასე გააგრძელეთ. ჩემთვის ერთ–ერთი უძლიერესი ნაწერია ურაკზე რაც კი წამიკითხავს...ყოჩაღ კობა_ბ. ასე გააგრძელეთ.
2. უღრმესი და გულითადი მადლობა jonatan კომენტარისთვის, მაგრამ რატომღაც მგონია რომ უამისოდ სამუდამოდ დარჩებოდა მილურსმული ყველა ღმერთი ყველა ჯვარცმაზე...
მაგრამ რადგან ასე ფიქრობ, ესეიგი აუცილებლად უნდა დავფიქრდე... გმადლობ უღრმესი და გულითადი მადლობა jonatan კომენტარისთვის, მაგრამ რატომღაც მგონია რომ უამისოდ სამუდამოდ დარჩებოდა მილურსმული ყველა ღმერთი ყველა ჯვარცმაზე...
მაგრამ რადგან ასე ფიქრობ, ესეიგი აუცილებლად უნდა დავფიქრდე... გმადლობ
1. ეს წითელთმიანი ჭინკა და გოგოობის წიგნი ფინალში რაღაც არ მოუხდა -თქო, ასე მგონია.
ეს წითელთმიანი ჭინკა და გოგოობის წიგნი ფინალში რაღაც არ მოუხდა -თქო, ასე მგონია.
|
|
მონაცემები არ არის |
|
|