ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ბაჩო
ჟანრი: პოეზია
25 იანვარი, 2009


+++

დაფშვნილი სულის ნატეხებში
                                დავეძებ საზრდოს,
დამახინჯებულ სიმართლეში
                                  ვპოულობ პათოსს.
სამშობლო თავზე გვენგრევა
        და დღეს ვიღას ახსოვს,
რომ გუშინ თოვდა სისხლი და ძვლები.

თურმე ლიხის ქედს ძალუმად ათოვს...

ნაცნობი ბღენძი სხვის ცრემლებში
                                    ინტრიგებს აქსოვს.
შავი ჰალსტუხით გვაჯერებს, რომ
                                    ტკივილი ახსოვს.

- გთხოვთ მოვიგონოთ წასული ძმები...

სიმართლის ბურთი გამეჩხირა ყელში
                                      და მახრჩობს.
სისხლი რომ წვიმდა, მაშინ
        ჩირგვში გაითბო ძვლები...

ეხლა სამშობლოს სიყვარულით გაშალა მხრები,
                                        თანაც მარიგებს:
- ეს რაც ხდება, ძმაო, ხო ხვდები?!
        და უცებ ვკრთები,
თურმე ყინვისგან დამუნჯდნენ სხვები.

ისტერიული სიცილით "ვკვდები",
ჩამესმის ხმები, მგონი ვგიჟდები.
სიმართლესავით ვკუზიანდები
                                        და ვიკუნტები!
- მაცალეთ, "ძმებო"
                                სიცოცხლით "ვტკბები"!

                                                                            16.01.2009
                                                                                07:37               

კომენტარები ილუსტრაციები რეცენზიები