ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: პაპუნა ფირცხალაიშვილი
ჟანრი: პოეზია
19 თებერვალი, 2018


ანონიმური წერილი ანა ვარშანიძეს იგივე წვიმოფილს

შენზე იციან სხვა გოგონებმა,
რომ არ არსებობ,
ხარ მომავლიდან, ხარ მოგონება
და ჩემს გარშემო

ტრიალებ, როგორც ზღვის ჰაერი და
მავსებ სიჩუმით,
წვიმა, რომელიც ცას გაერიდა,
თანაც ბიჭური…

და შემოდგომის მზით მიმოფენილს,
გხვდება ზამთართან
თოვლი… არ გიყვარს... და წვიმოფილი,
ხვდები, დამთავრდა

შენი სეზონი. ცასთან ფიფქები
დგებიან მგზავრის
მსგავსად... ვინ არის? - (შენ დაფიქრდები)
ლექსს რომ აგზავნის.

და ზღვის სიმლაშის ამ მარაგითაც
ვერსად მიხვალ ხვალ,
მე სხვა ბიჭი ვარ, სხვა ქალაქიდან
და შენ მიყვარხარ!..

კომენტარები ილუსტრაციები რეცენზიები