ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: პაპუნა ფირცხალაიშვილი
ჟანრი: იუმორისტული
26 თებერვალი, 2018


ღიმილნარევი ლექსი

ყველა გზა მიდის ქალამდე,
ყველა გზა მიდის კაცამდე,
კეტით, ბოტასით, ქალამნით,
შენამდე მოვალ, მაცადე.

წვიმა წამოვა ზეციდან,
კაკუნს დამიწყებს რაფაზე,
ადრეც ვეცადე მეცადა,
ვუმატე ნაფაზს-ნაფაზზე.

ახლა გამოდის მოდიდან
შორი ტრფობა და ალერსი,
ჩვენც ავყვეთ, ჩემთან მოდი და
ჩაგხედავ სუფთა თვალებში.

დავიწყოთ თუნდაც ნულიდან,
ჯერ ქოხი იყოს, მერე ბი-
ნა. ჩვენი სიყვარულითაც
ვიქნებით ბედნიერები.

ასეა თუ კი ვენდობით,
ჩემს იდეალურ გამოთვლებს,
თუ მაინც არ გამოვიდა
გურული ჭაჭით გამოვთვრეთ.

კომენტარები ილუსტრაციები რეცენზიები